رواية وردتي السوداء نورين وعبد الملك الفصل الثلاثون 30 بقلم سميه عامر
رواية وردتي السوداء نورين وعبد الملك الفصل الثلاثون 30 هى رواية من تأليف المؤلفة المميزة سميه عامر رواية وردتي السوداء نورين وعبد الملك الفصل الثلاثون 30 صدرت لاول مرة على فيسبوك الشهير رواية وردتي السوداء نورين وعبد الملك الفصل الثلاثون 30 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية وردتي السوداء نورين وعبد الملك الفصل الثلاثون 30
رواية وردتي السوداء نورين وعبد الملك الفصل الثلاثون 30
شالها و خرج برا ركبها العربية و مشي
- قولي بتعمل ايه بس لازم اروح المستشفى
غمضي عيونك
غمضت وهي مبسوطة : من غير قله ادب طيب
ضحك : انتي تعرفي عن جوزك حبيبك كده
وقف بالعربية و نزل و راح ناحيه بابها نزلها : خليكي مغمضة
شالها و فتح بالمفتاح و هو بيقولها فتحي
فتحت عيونها وهي مبسوطة و شافت احلى بيت ممكن تشوفه عيونها
نزلها و شغل اغنية لعمرو دياب ( مكانك في قلبي )
مسك ايديها و فضل يلفها لحد ما وصلت لحضنة و ابتسمت : هيبقى بيت دافي بحبك ليا و اولادنا
- هيبقى بيت دافي بوجودك فيه و نفسك في نفسي طول العمر انا بحبك يا اغلى على نفسي من روحي
حضنته و فضلو يرقصو وهي مبسوطة و لاول مرة لقيت ملجأها اللي طول عمرها بتدور عليه حضن ، بيت ، قلب يحبها ، ولاد و دفى و ضحكة ماليه البيت
غمضت عيونها و مالت على صدرة
بعدت عنه : طيب مش يلا بينا نروح المستشفى
ابتسم و بصلها بمكر : متأكدة انك عايزة المستشفى
- هو لا بس اه يعني
ضحك و باس ايديها : يعني ايه بقى
- يعني لازم نقف جنب يوسف عشان يوسف طيب و مراته اطيب منه
ابتسم بمكر اكتر : و بعد ما نقف معاه
- نرجع بيتنا و اعملك احلى فطاير و ريحتها تملى البيت
فطاير ؟؟
لما نرجع لينا كلام تاني ال فطاير ال
ضحكت و خرجوا سوا رجعوا المستشفى بعد ما اخدو اللبس و فضلو معاهم
عدى ست ايام و نورين مع مرات يوسف دايما في بيت العيلة و قرر عبدالملك يرجعوا البيت و اخد عياله و نورين لبيتهم و استقروا فيه
- مامي .. مامي بكره سبوع براء صح
ابتسمت نورين : أيوة يا روحي جهزي نفسك بقى و البسي الفستان اللي بابا اشتراه
نور الدين بحزن : و انا يا مامي مش هعرف العب معاهم
عبدالملك : وقت ما تحب تلعب انا هشيلك على كتفي
ضحك نور و حضن أبوه : موافق
جهزت نورين فطاير و كيك بالفراولة سخن و شاورلها عبدالملك تيجي تقعد جنبة و قعدت و خد نور جنبة و نيرة في حضنهم و هما مبسوطين و بيتفرجوا على فيلم
....
صحيو تاني يوم و هما مبسوطين بالسبوع
لبست نورين فستان زهري و بنتها نفس اللون و نور كجول
خرجوا التلاتة عبدالملك اللي كان مستنيهم و صفر اول ما شافهم : ايه العيلة اللي كلها حلوين دول كل واحد بقى يجي يديني بوسة
جريت نيرة علية باسته و قام هو باس نور ووقف قدام نورين : عايز بوسة
اتكسفت و غمضت عينيها
باسها من خدها و همسلها : دي مؤدبة بس عشان الولاد ها لما نرجع مفيش الكلام ده
اتكسفت اكتر و مسكت أيده : طب يلا بينا
وصلو بيت العيلة و فضلو يهيصو و يرقصو كلهم وسط أجواء فرح و سعادة كانت غايبة من بيتهم
مسكت سحر نورين و حضنتها و عيونها دمعت : ربنا يعلم يا بنتي من يوم ما اتولدتي و انا اعتبرتك بنتي اللي مخلفتهاش و بحبك خليكي دايما مبسوطة و انسي اي ماضي هيوجعك
ابتسمت نورين و حضنتها اكتر : ربنا يخليكي ليا يا خالتو
شالت نورين النونو و فضلت تبوس فيه
عبدالملك بخبث : طب خليكي شاطرة عايزين واحد غيري من سلفتك
سحر : ليه يا حبيبي بنتي جايبة اتنين زي القمر
مرات يوسف : اه احنا عندنا قمرين بقوا تلاتة
- كلكم اتفقتو عليا يعني طب انا هاخد مراتي و امشي بقى
يوسف قرب منه و مسك أيده : و انا خدني معاك الناس هنا مبقتش تحبني
عبدالملك وهو بيبعده عنه و بيمسك في نورين : بقولك ايه ابعد عني انا مليش غير مراتي حبيبتي انت عايز توذني ولا ايه
ضحكو كلهم و همستله نورين وهي مبسوطة : بحبك
- انتي بتنيليها اكتر
ازاي
يعني لازم نروح دلوقتي بسررررعة
- ايه ؟؟
شالها وهو بيجري : معلش بقى كملو لوحدكم دي أملاك خاصة متطلعش من البيت .
لالنضمام لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا