رواية طفلة في وجه الحياة الفصل الاول 1 بقلم سمية عامر

رواية طفلة في وجه الحياة الفصل الاول 1 هى رواية من تأليف المؤلفة المميزة سميه عامر رواية طفلة في وجه الحياة الفصل الاول 1 صدرت لاول مرة على فيسبوك الشهير رواية طفلة في وجه الحياة الفصل الاول 1 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية طفلة في وجه الحياة الفصل الاول 1

رواية طفلة في وجة الحياة الفصل الاول 1

بابا انت بتقول ايه مين دي اللي جوزتها و من غير علمنا جوزت بنتك اللي لسا ١٢ سنه ؟؟

- محدش يتدخل منكم اه جوزتها مش احسن ما تجيبلي العار تغور خلفه البنات و احمدوا ربنا اني استنيت اما بلغ"ت

خرجت نوران من اوضتها وهي واقفة مش فاهمة حاجه تفرح ولا تزعل قربت من اخوها الكبير و حضنته 

: هو في ايه يا أبية 

بصلها وهو زعلان و خدها في حضنه اكتر : متخافيش مفيش حاجه هتحصل 

رجع ب نظرة لابوة مرة تانيه : مستحيل اسيبها تخرج من هنا مستحيل اخليها تقع في وسا"ختك حرام عليك دي لسا صغيرة 

قام ابوة ضر"به بالقلم : بليل هوديها لجوزها و مش عايز نقاش تاني و مسمعش صوتك أو صوت اي كلب فيكم كفايه اني بأكلكم و اشربكم 

خافت نوران و دخلت اوضتها تاني و هي مش عارفة ايه جريمتها عشان ابوها يرميها 

- عدى الوقت كأنه دقايق و نوران مش فاهمة حاجه من زعيق ابوها 

دخل عليها ابوها و معاه شنطه بلاستيك و لم هدومها فيها و شدها من ايديها بكل قسوة 

- اخرجي يلا هوصلك لبيتك 

_بابا ده بيتي ونبي تسيبني هنا انا خايفة بالله عليك انا ه"موت من غير اخواتي 

كلامها مأثرش فيه و خرج بيها على برا ركبها التاكسي اللي هو بتاعة و ركب و طلع بيها بسرعة قبل ما محمود اخوها يرجع من صلاه العشاء 

وصلوا بعد ساعة لبيت كبير مقفول من كل مكان ب اسياخ حديد وواقف راجل برا في عمر الخمسين بيبتسملهم 

خرج ابوها و معاه نوران وهي بتحاول تبعد أيده و بتعيط بكل قهر و خوف : بالله عليك ترميني في الشارع بس متعملش فيا كده 

رماها ابوها للراجل و خد بقيه فلوسه و مشي من غير ما يحس بوجع صراخها اللي كان يحرك الجبل 

شدها الراجل على جوا وهو بيزعق فيها 

- ادخلي بقى بلاش قرف والا همد ايدي عليكي 

رماها في الأرض و قفل الباب 

قامت من على الأرض و جريت على الباب عشان تفتحه وهي بتعيط بس معرفتش 

قرب منها الراجل و قعد على الكرسي : ارجعي اقعدي مكانك على الأرض وإلا هتشوفي وش تاني 

صوتت وهي بتعيط : انتو عايزين مني ايه ارجوك خرجني من هنا 

دخل شاب في عمر العشرين قاعد على كرسي متحرك

- تعالي هنا 

نوران : انت مين ؟ 

_ بقولك تعالي هنا قبل ما اتعصب 

دخل واحد تاني : ريان سيبها دلوقتي تتأقلم و بكره هتتعود و ...

ملكش دعوة يا عُمران

عيطت و قربت منه وهي بتترعش وواضح على جسمها الضعيف انها مش قادرة تقف 

- شدها من ايديها نزلها في الأرض : شايفة رجلي المش"لولة دي انتي السبب في اني اكون قاعد على كرسي 

شدت نوران نفسها منه و بعدت عنه : انت انسان حق"ير و ربنا عمل فيك كده عشان اتجوزتني غصب عني وانت بغل كبير و انا طفله اد عيالك

ضحك عُمران اخوه من كلامها اللي قالته بتلقائية بس من غير ما حد ياخد باله 

 ريان بصوت عالي : اتجوزتك ده اللي ابوكي قالهولك ها ..

احب اقولك اني متجوزكيش انا اشتريتك و احب اقولك كمان انك هتشوفي اسوء ايام حياتك هنا .....

انضم لجروب التليجرام ( هينزل فيه الرواية كاملة ) اضغط هنا 

للانضمام لجروب الواتساب اضغط هنا

تعديل المقال