رواية طبيبة قلبي مرام وياسين الفصل السابع عشر 17 بقلم فاطمه احمد
رواية طبيبة قلبي مرام وياسين الفصل السابع عشر 17 هى رواية من تأليف المؤلفة المميزة فاطمه احمد رواية طبيبة قلبي مرام وياسين الفصل السابع عشر 17 صدرت لاول مرة على فيسبوك الشهير رواية طبيبة قلبي مرام وياسين الفصل السابع عشر 17 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية طبيبة قلبي مرام وياسين الفصل السابع عشر 17
رواية طبيبة قلبي مرام وياسين الفصل السابع عشر 17
واكمل كلامه : وقت انت ما كلمتني فعلا قولتلك مش مخطوبة وربنا يعلم فرحت ازاي لانك اخويا وهي كنت بعتبرها زي اختي بالظبط
كريم مستمع باستغراب من كلام ياسين
ياسين : بس بالتحديد يوم ما انت كلمتني فوجئت بوالدتي بتقولي انا خطبتلك بنت عمك ومامتها موافقة وكانت فرحانة بطريقة غير طبيعية ووالدتي كلامها وامنيتها سيف علي رقبتي وانت عارف ومستحيل ارفض لها طلب او اكسر كلمتها وابينها صغيرة قدام اي حد
كريم بهدؤ: حصل خير يا ياسين موضوع وعدي وهي مكتوب تبقي نصيبك وربنا يسعدك والموضوع كان مجرد اقتراح مش اكتر من كده
واكمل بإبتسامة حزينة: وهي دلوقتي اختي مراة اخويا
" رغم ان كريم فعلا كان شايل جدا من ياسين بس ملقيش رد ينفع يتقال في الموقف ده غير كده خاصة بعد ما ياسين اتجرا وشرح موقفه وهو مش ملزم يعمل كده"
عدي باقي اليوم عادي جدا خالي من الاحداث
////////////////////////
تاني يوم الظهر في بيت عائشة
منال: خطوبة واتخطبوا ايه رايك نجوزهم بقي ونفرح بيهم عشان نشيل عيالهم
عائشة : ههههههههههههه هما لسه كملوا اسبوع يا منال اصبري شوية
منال: ما احنا لازم ندبر ونخطط الاول زي الخطوبة يعني الموضوع هيطول وبعدين دول لحد دلوقتي لا اتكلموا في التليفون ولا قعدوا مع بعض هيوافقوا يتجوزوا بسهولة مظنش
عائشة : لا قعدوا شوية امبارح لما ياسين وصلني
منال: لا والله شوفي الواد مقليش
عائشة : هههههههههههههههه ماهو يدوب اتخانقوا ومشي علطول
منال بإستغراب: انتي بتضحكي عشان اتخانقوا وبعدين اتخانقوا ليه
عائشة بإبتسامة: عشان لبس مرام معجبوش مع انه محتشم جدا ومفيهوش اي حاجة
منال بإستغراب: وده يخليكي تضحكي وفجأة ضحكت ": قصدك انه غار
عائشة بغمزة: عليكي نور
منال: والله والموضوع هيحلو ان شاء الله ربنا يالف بين قولبهم يا رب
عائشة : يارب
//////////////////////////
في مكتب ياسين
ياسين: ادخل
العسكري: في واحد برة بيقول اسمه خالد امين عاوز حضرتك
ياسين : خليه يدخل
خالد: مساء الخير
ياسين بابتسامة : اهلاااا مساء النور ازيك يا خالد
خالد بإبتسامة : تمام الحمد لله اخبارك ايه
ياسين: الحمد لله ايه فينك من زمان مشفتكش
خالد: الشغل والله واخد كل وقتي
ياسين: ربنا يقويك
خالد: تسلم قولي هو مراد مجاش النهاردة اصلي سالت عليه قالوا محدش شافوا
ياسين: لا جه بس طلع عمليه خير في حاجة
خالد : لا ابدا .....
العسكري: ياسين باشا
ياسين: خير يا ابني
العسكري: الافراد رجعوا يا فندم وبيقولو مراد بيه اتصاب وخدوه المستشفي
ياسين بصدمة : ايه مستشفي وحالته ايه
العسكري: معرفش والله يا فندم
ياسين خرج جري
خالد : استني يا ياسين انا هوصلك مش هتقدر تسوق
ياسين بخوف: طيب يلا بسرعة
سليم قابلهم : ايه يا ابني في ايه
ياسين بهستيريا: مراد اتصاب وفي المستشفي
سليم: يا ستار يارب
سليم: ماشي يلا بينا نروحله
وركبوا وحرك خالد للمستشفي باقصي سرعة
//////////////////////
في المستشفي
داليا ومرام راجعين من الاستراحة لقيوا الريسبشن مليان ظباط والدنيا مقلوبة
مرام : ايه ده في ايه
الممرضة : ظابط جه متصاب وفي العمليات
مرام: يا ستار يارب ربنا يقومه بالسلامة
داليا: اللهم امين
وهما بيلفوا راجعين مرام شافت ياسين داخل جري ومشفهاش وهي قلبها انقبض لما شافته بالمنظر ده وفجأة سمعته وهو بيسال
ياسين بخوف : فين مراد يا محمد عامل ايه دلوقتي
محمد : متقلقش والله الحكاية بسيطة
مرام بصدمة : داليا هو قال مراد ولا انا مسمعتش قال مراد والله قال مراد
وطلعت جري لياسين في وسط الظباط
مرام بصراخ : ماله مراد يا ياسين ماله حصل ايه
ياسين فاق من صدمته علي صوتها : انتي بتعملي ايه هنا يا مجنونة امشي من هنا حالا انتي مش شايفة الرجالة
مرام وبتخبط رجلها في الارض : لا والله ما هنتقل من هنا الا لما اطمن عليه
وبدموع ورجاء : والنبي يا ياسين مراد ماله طمني عليه
ياسين : والله كويس مفيهوش اي حاجة ان شاء الله امشي من هنا بقي
مرام هزت راسها بعنف: لا لالا مستحيل عاوزة اشوفه
خالد مركز معاها اوي لما عرفها ولفتت نظر الظباط ليها
وياسين تفكيره اتشتت ليها وفار دمه لان كلهم رجالة وهي وصاحبتها وسطهم شكلهم غلط
ياسين : امشي بقي من هنا مش تخليني اتغابي عليكي
الدكتور خرج
مرام جريت عليه : دكتور فريد والنبي مراد عامل ايه دلوقتي حالته ايه
ياسين: طمنا يا دكتور اخباره ايه
الدكتور بإستغراب لانه عارفها : تمام الحمد لله مفيهوش اي حاجة ولما شاف دموع مرام: مرام اهدي هو كويس والله وحالته بسيطة جدا متقلقيش
انتي تقربيله؟
مرام بشوية ارتياح ولكن بدموع: اه حضرتك اخته
الدكتور بإبتسامة: متقلقيش يا ستي والله هو كويس مفيهوش اي حاجة وكلها ساعة وهيفوق وتقدري تشوفيه
مرام: متشكرة اوي يا دكتور ربنا يطمنك
د.فريد بإبتسامة : العفو يا دكتورة
ياسين راح يطمن صحابه وعينه عليها واعصابه فلتت جدا منها ومن وقفتها
راح لها لما الدكتور مشي: خلاص روحي بقي من هنا بلاش فضايح منظرك بقي زي الزفت
مرام بعصبية ودموع وهو مرعاش مشاعرها ولا خوفها علي اخوها: تصدق بالله انا ما لاقية كلام يوصفك
منظر ايه اللي بتقول عليه انا واقفة باحترامي يا استاذ وميهمنيش حد وانا همشي دلوقتي بس مش عشان قولتلي لا عشان اريح اعصابي شوية وهكون عنده من قبل ما يفوق وميهمنيش مين موجود ولا يهمني راي حد فيا وسابته ومشيت من حرقة اعصابها وهو واقف مزهول بيحاول يستوعب كلامها
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا