رواية زواج من طرفين سهر واياد الفصل الرابع عشر 14 بقلم ساسو ياسين
رواية زواج من طرفين سهر واياد الفصل الرابع عشر 14 هى رواية من تأليف المؤلفة المميزة ساسو ياسين رواية زواج من طرفين سهر واياد الفصل الرابع عشر 14 صدرت لاول مرة على فيسبوك الشهير رواية زواج من طرفين سهر واياد الفصل الرابع عشر 14 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية زواج من طرفين سهر واياد الفصل الرابع عشر 14
رواية زواج من طرفين سهر واياد الفصل الرابع عشر 14
وجه يوم الجمعه وقت مقابلة العريس
العريس جه وزيدان استقبله ورحب بيه وقعد يتكلم معاه شويه وبعدين نده علي سهر
سهر كانت متوتره ومش عايزه تخرج بس خرجت
قدمت العصير وهي عنيها في الارض وقعدت شويه
وبعدين
زيدان قال : هسيبكم شويه تتكلموا
زيدان خرج وسابهم
وهي فضلت باصه في الأرض
وبعدين سمعت واحده
بتقول : اي يا عروسه هتفضلي حاطه وشك في الأرض
فرفعت راسها باستغراب تشوف مين اللي بيتكلم
لقت ست قاعده في وشها
ففضلت تبص حواليها
الست ضحكت
وقالت : متستغربيش انا ام العريس
سهر : وحضرتك جايه لي من غير العريس
ام العريس : عشان اشوف اللي وقعت ابني في حبها واتكلم معاها الاول
سهر : ويا تري هتتكلمي في اي
ام العريس : بصي يا ست البنات انتي ممكن تفتكري اني جايه عشان اقولك ارفضي الجوازه وهاتيها من عندك انتي والكلام ده بس الحقيقه غير كده
سهر : واي هي بقي
ام العريس : انا اسمي ناهد وعندي ولد وبنت بنتي متجوزه وعندها بنوته اسمها ديالا عندها 3 سنين
سهر بابتسامة : ربنا يحميها
ناهد : والولد عنده 38 سنه خريج سياحه وفنادق ومسبقش ليه الجواز
سهر : ومتجوزش لي
ناهد : مفيش بنت خطفت قلبه
سهر : وعايز يتجوزني لي
ناهد : عشان انتي خطفتي قلبه
سهر : وبعد ما عرف ان معايا 3 بنات مغيرش رأيه
ناهد : بالعكس اتمسك بيكي اكتر
سهر باستغراب : للدرجه دي
ناهد : واكتر
سهر : وحضرتك معترضتيش لما عرفتي اني مطلقه
ناهد : واعترض لي الجواز قسمه ونصيب ونصيبه جه واحده مطلقه يبقي ابارك الجوازه ومليش دعوه بحاجه تانيه
سهر : يعني حضرتك موافقه انه يتجوز واحده مطلقه ومعاها 3 بنات
ناهد : انتي لي مقلله من نفسك كده
سهر : عشان مش طبيعي ان واحد متجوزش قبل كده لما يفكر يتجوز يتجوز واحده مطلقه وياريت لوحدها دي معاها عيال
ناهد : بصي يا حبيبتي يمكن الموضوع غريب شويه بالنسبالك لكن انا شايفه انه عادي عارفه لي
سهر : لي
ناهد : عشان لما اتجوزت ابو بنتي كنت مطلقه ومعايا ابني وجوزي ماكنش اتجوز قبل كده برضو ولما اهله عرفوا رحبوا بيا وبابني وسطهم
سهر : عشان كده حضرتك مش معترضه علي الجوازه
ناهد : اه وعايزاكي تبقي واثقه ان من ساعة ما هتقولي اه موافقه انك هتبقي بنتي التانيه وعيالك هيبقوا احفادي اي رأيك بقي
سهر فرحت بكلام ناهد
وقالت : كلام حضرتك حلو اوي وعجبني بس برضو مش هقدر اقول اه او لا من غير ما اشوف ابن حضرتك
ناهد : طبعاً يا حبيبتي ده حقك هو كان جاي معايا بس انا قولت اجي واقعد معاكي لوحدنا الاول واطمنك عشان لما تقعدي معاه متبقيش قلقانه
سهر : مكدبش عليكي كلام حضرتك ريحني بس برضو لازم اخد وقتي في التفكير حتي بعد ما اشوف ابن حضرتك
ناهد : براحتك خالص انا مش هستعجلك عشان متحسيش انك اتسرعتي
سهر : تمام بس ممكن اسألك سؤال
ناهد : طبعاً
سهر : هو اسمه اي
ناهد : انا نفسي اقولك والله بس هو محلفني ع المصحف قبل ما اجي اني مقولش عشان عايز يعملهالك مفاجأة
سهر : تمام
ناهد استأذنت ومشيت
زيدان : اي رأيك في كلامها
سهر : حضرتك كنت عارف ان مش هو اللي جاي
زيدان : لا انا اتفاجأت زي زيك بس المهم اي رأيك
سهر : انا ارتحت من كلامها بس برضو مش هقول رأيي غير لما اشوف ابنها وافكر
زيدان : ده حقك ومحدش هيعرضك فيه
سهر : تمام عن اذنك بقي عشان عندي شغل الصبح
زيدان : تصبحي علي خير يا حبيبت بابا
سهر : وانت من اهل الخير يا روحي
ودخلت نامت من غير ما تفكر في حاجه
تاني يوم
صحيت دخلت الحمام اتوضت وصلت ولبست وراحت الشغل
سهر : صباح الخير يا ايمن
ايمن : صباح الفل ، جايه متأخره عشر دقائق
سهر : الطريق والله
ايمن : طب استاذ سمير عايزك
سهر : عايزني في اي
ايمن : معرفش بس هو قال لما تيجي تدخليله
سهر : يارب يكون خير
ايمن : متقلقيش ملامحه مبتدلش انه شر
سهر : يارب يطلع زي ما بتقول
وسابته ودخلت لسمير
خبطت علي الباب
سمير : ادخل
سهر : حضرتك كنت عايزني
سمير : اه بس مفيش صباح الخير
سهر باستفزاز : صباح الخير يا استاذ سمير
سمير بابتسامة : صباح النور
سهر : حضرتك كنت عايزني في اي
سمير : طب اقعدي الاول
سهر : اهو قعدت اتفضل
سمير : كنت عايز اطمن عملتي اي مع العريس امبارح
سهر : يعني اي عملت اي
سمير : يعني قعدتي معاه اتكلمتوا
سهر بكدب : اه طبعاً قعدت معاه
سمير : طب وبعدين اي اللي حصل
سهر : كان لطيف خالص وكيوت والبنات كمان حبته اوي
سمير : بجد
سهر : اه بجد
سمير : يعني عجبك ووافقتي
سهر : انا لسه بفكر بس كلام في سرك
سمير : قولي
سهر : شكلي هوافق عليه عشان البنات اتعلقت بيه اوي
سمير : ربنا يتمملك على خير
سهر : يارب بس خليك فاكر
سمير باستغراب : فاكر اي
سهر باستفزاز : ان انت اللي هتشهد علي عقد الجواز
سمير : ربنا يسهل ساعتها
سهر : يارب
وراحت خلصت شغلها
ورجعت عملت الغدا واتغدوا
وقعدت مع مشيره حكتلها اللي حصل
وهما قاعدين تليفون سهر رن برقم غريب
سهر : الو
ناهد : اي يا حبيبتي عامله اي
سهر : مين
ناهد : انا طنط ناهد يا حبيبتي
سهر : ازيك يا طنط عامله اي
ناهد : الحمدلله معلش اخدت رقمك من باباكي امبارح
سهر : مفيش مشكله يا حبيبتي
ناهد : الصراحه انا متصله اقولك حاجه
سهر : اتفضلي
ناهد : لما رجعت حكيت لابني علي اللي حصل
سهر : طب وفيها اي
ناهد : قالي انه عايز يجي الجمعه الجايه يقابلك
سهر : هقول لبابا وهرد علي حضرتك
ناهد : ماشي يا حبيبتي انا بس كنت بشوف انتي مستعده تقابليه ولا نأجلها
سهر : لا متقلقيش انا مستعده
ناهد : طيب شوفي بقي باباكي وقوليلي
سهر : حاضر
وقفلت
مشيره : مين دي
سهر : طنط ناهد ماما العريس
مشيره : وعايزه اي
سهر : ابنها عايز يجي الجمعه الجايه
مشيره : وانتي رأيك اي
سهر : في اي
مشيره : عايزاه يجي ولا
سهر : انا عايزاه يجي عشان لو رفضته يبقي معلقش نفسه بيا وقت كبير
مشيره : يعني معندكيش فضول تشوفيه
سهر : لا
مشيره : طب انا همشي عشان احمد قرب يجي ونكمل بعدين
سهر : ماشي
وبعدين راحت لزيدان
سهر : بابا
زيدان : نعم
سهر : طنط ناهد كلمتني من شويه
زيدان باستغراب : ناهد مين
سهر : مامت العريس
زيدان : اه وعايزه اي
سهر : بتقولي ابنها عايز يجي الجمعه الجايه
زيدان : ومكلمتنيش انا لي
سهر : كانت بتشوفني مستعده اقابل ابنها ولا مش مستعده
زيدان : وانتي مستعده
سهر : اه
زيدان : طيب انا هكلمها بس بعد يومين
وفعلا كلمها بعد يومين واتفقوا ان ابنها يجي الجمعه
وجه يوم الجمعه
وجه العريس ومامته
وزيدان استقبلهم ورحب بيهم
وقعدوا يتكلموا شويه
وبعدين نده سهر
سهر دخلت بالحاجه الساقعه
وسلمت علي ناهد ولسه بتلف عشان تسلم علي العريس
#يتبع .....
للانضمام لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا