رواية مخاوف من مظهرك روان وزين الفصل الخامس 5 بقلم روان الحاكم
رواية مخاوف من مظهرك روان وزين الفصل الخامس 5 هى رواية من تأليف المؤلفة المميزة روان الحاكم رواية مخاوف من مظهرك روان وزين الفصل الخامس 5 صدرت لاول مرة على فيسبوك الشهير رواية مخاوف من مظهرك روان وزين الفصل الخامس 5 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية مخاوف من مظهرك روان وزين الفصل الخامس 5
رواية مخاوف من مظهرك روان وزين الفصل الخامس 5
دخلت الشركه وانا مصدومه
لما شوفت لبس البنات تلقائي اول حاجه غضيت بصري عنهم مكنتش مستوعبه المنظر
(اصبحنا نغض بصرنا عن النساء ونحن نساء مثلهن💔)
دخلت وانا بحاول استغفر فى سري
_السلام عليكم ورحمة الله وبركاته
لو سمحتِ انا كنت مقدمه على وظيفه هنا
_افندم مقدمه على وظيفه هنا؟
_ايوه فيه حاجه؟
_هههه وكمان بتسألي لو فيه حاجه فكرك إن شركه زي دي هتشغل ناس زيك كدا ارهابيين
_لو سمحتي مسمحلكيش انا قدمت واتقبل وحاليا جايه اعمل الانترفيو
لبسي دا اعتقد ملوش علاقه ب اى حاجه تانيه
زي ما برضو حضراتكم سامحين لباقى البنات اللي باين من جسمهم اكتر من اللي ساتر
_حيلك حيلك هتديني درس فى المواعظ والاخلاق انا حبيت انصحك مش اكتر
لكن مدام مُصره خليكي بقى لما مدير الشركه ييجي يشوفك وتكوني عبره للشركه كلها
مرضتش عليها وسبتها وقعدت
وانا كلي يقين إن ربنا مش هيغزلني
حاولت اتلاشي نظرات البنات ليا
كانوا بيبصولي كاني نكره
كأن انا اللي لابسه لبس كاشف مش هم
لو كان ينفع اسجد حمد وشكر لله فى اللحظه دي كنت عملت
كان ممكن اكون زيهم لو إتربيت فى بيئتهم
كان ممكن اكون مكانهم💔
عيوني دمعت وانا بحمد ربنا ومش عارفه اوفى حقه عليا ازاي
وعلى نعمه انه سترني
يمكن انا مليش فى حياتي غير بابا وظروفي صعبه
بس لو خيروني اكون مكانهم او مكان اى حد هرفض
يكفي نعمه النقاب اللي انا لابساه
فضلت استغفر واسبح ربنا لحد ما دوري ييجي
سمعتها وهي بتنادي إسمي بتعالى وبتبصلي ب إبتسامه غريبه كدا
إستجمعت شجاعتي وقومت دخلت
كنت خايفه لاول مره اخاف بالشكل دا
المدير كان قاعد وباصص فى الورقه اتكلم من غير ما يرفع عيونه
_ادخلي واقفلي الباب وراكي
دخلت وسبت الباب مفتوح
_هو انا مش قولت اقفل....
لحظه كدا هو من امتى الشحاتين بيدخلوا مكتبي؟
حسيت كأن الدنيا بتلف بيا
بقى وصلت أنه يوصفي بالشحاته لمجرد اني منتقبه
مش هلومه من حقه بعد ما يشوف المنظر اللي بره دا يقول عليا كدا
بلعت الشتيمه واتكلمت
_انا جايه اقدم على الوظيفه حضرتك
_اممم ومين قالك بقى اننا هنسمح لامثالك يدخلوا الشركه
عشان تأثري عليهم بفكرك المتخلف مش كدا
_اعتقد لبسي لو هيدل ع حاجه ف هو هيدل على إني طالعه من بيت رجاله
اما بالنسبه لفكري ف حضرتك لسه متعرفنيش عشان تحكم عليا
_انتِ هتردي عليا يابت انتي الكلمه بكلمتها ولا اى
انتي نستي نفسك انتي متعرفيش انا مين
هقول اى وانتي تعرفي مين باللي لابساه ع وشك دا
رديت عليه وانا منفعله ومتعصبه من غير ما اخد بالي إن الناس بدات تتلم على الصوت
_لا منستش نفسي بس حضرتك اللي نسيت نفسك
ومش بس كدا لا نسيت دينك وعقيدتك فكره انك تحكم عليا بشيء معين لمجرد اني لابسه نقاب يبقى حضرتك اللي محتاج تراجع نفسك ومش اسفه ف اللفظ بس حضرتك اللي عندك تخلف فى تفكيرك
بقينا بنقلد الغرب فى كل حاجه
مش عاجبك شكلي
لكن عاجبك منظر البنات وهي عارضين جسمهم ومخلييم اللي يسوى واللي ميسواش يتفرج عليهم
لكن انا مش عاجبك لمجرد اني ساتره نفسي ومحافظه على نفسي عشان هو شخص واحد بس اللي ليه الحق يشوفني واللي هيكون حلالي
_بس كفايه اخرسي اطلعي برررره
كل كلمه قالتها صح وكل كلمه قالتها أثرت فيا
اكتر حاجه جننتني انها فكرتني ب امي
نفس طريقه الكلام ونفس الاسلوب
هي ازاي كدا ملقتش قدامي غير اني بزعق فيها وبطردها
مكنتش متقبل اني اسمع كلمه كمان
رديت عليها بهدوء
_بالرغم من اني محتاجه الشغل دا اكتر من اى حاجه لكن ميشرفنيش اني اشتغل هنا
وبرضو هفضل مفتخره بنقابي وهمشي ب راس مرفوعه
خرجت ولقيت كل اللي فى الشركه واقف وسمع اللي حصل
لقيت موظفه الاستقبال واقفه بتبصلي بشماته
ومعظم البنات بيبصولي بقرف
طلعت من الشركه كلها وانا من جوايا ببكي
ببكي على الحال اللي وصلنا ليه
بقى كل دا عشان بس منتقبه؟
عشان بعمل اللي ربنا أمرني بيه
كنت ماشيه سرحانه ومش مركزه ودموعي نازله لدرجه محستش بالعربيه اللي جات عليا
_حااااااسب
__________
بسم الله والحمد لله والصلاه والسلام على رسول الله
هنبدا حلقه النهارده ان شاء الله بقصه كدا هحكيلها ليكم
زمان وانا صغير كان عندي ابن خالتي على طول امه بتجبله لعب كتير اوي ف مره شوفت عنده لعبه جميله جدا لدرجه اني روحت لامي عيطت عشان تجبلي واحده زيها
وساعتها هي قالتلي مش انا اللي هجبهالك لا ربنا اللي هيجبهالك
سألتها وانا بقولها ازاي قالتي إني ادعي فى كل صلاه اصليها باللعبه دي
كنت انا لسه عندي خمس سنين ويادوب بدات اتعلم الصلاه ف كنت بقطع فيها
لكن بحكم اني كنت طفل بقى ونفسي فى اللعبه
بدات التزم بالصلاه وكل سجده بدعي ربنا باللعبه لمده شهر
اخر الشهر لقيت امي جايبه ليا شطنه وبتقولي لعبتك اهي ياعم
كنت طاير من الفرحه خدتها منها بلهفه وانا بحضنها
وبقوله انا بحبك اوي يارب وكل حاجه هعوزها هطلبها منك
لكن فرحتي دي إتبخرت لما فتحت ولقتيها لعبه تاني غير اللي كنت عايزه
بصيت لامي بدموع طفل كدا وإتكلمت بإنكسار زي اللي امه ماتت مشنوقه😂
وانا بقولها دي مش اللعبه اللي انا عايزها
انا زعلان منك يارب ومش هطلب منك حاجه تاني
ساعتها امي فضلت تحايل فيا وتقنعني إن العبه دي احلى وان دي اللي ربنا اختارها ليا
مسمعتش ليها ومرضتش العب اللعبه لان شكلها مكنش حلو زي لعبه ابن خالتي ولا حتى بقيت بصلي
لحد ما فى مره كنت عند ابن خالتي ولقيته قاعد زعلان
لما سألته قالي إن اللعبه اللي بيحبها باظت خالص ومعدتش تنفع
وزعلان عشان امه جابتهاله من الاول
ودي نفس اللعبه اللي كنت هموت عليها
يومها روحت البيت ومسكب اللعبه وفتحتها تاني
وبدأت العب بيها عشان اشوف هتبوظ ولا لا
يوم ورا يوم وانا بلعب بيها وبرضو مباظتش
هتصدقوا لو قولت ليكم إن اللعبه دي لسه موجوده عندي لحد دلوقتي؟ 😅
طلعت امي قاصده انها تجبلي لعبه غير اللي انا طلبتها
عشان تعرفني ان مش كل حاجه انا بحبها هتكون خير ليا
يعني اللعبه اللي كنت انا عايزها وشكلها جميل وانا هموت عليها لو كنت جبتها كانت هتبوظ
لكن اللي كانت اختيار ربنا لحد الان لسه سليمه
يومها رجعت اصلي تاني
ف لما كنت بدعي ربنا بحاجه وتيجي كنت بفرح
ولما ادعي ربنا بحاجه ومتجيش بفرح اكتر لان الجاى إختيار ربنا ليا
وللحقيقه انا ممتن لوالدتي جدا انها عملتني كدا
لو كانت جابتلي العبه اللي كنت عايزها
لما اكبر واعوز حاجه ومخدهاش مكنتش هقتنع انها خير ليا
ربوا عيالكم على كدا
وفهموهم ان مش كل حاجه بيحبوها هياخدوها
هداني الله وإياكم
_ربنا يفتح عليك يا شيخ زين
كنت عايز أسالك حضرتك حاجه واحد صاحبي كان بيحب قريبته وهي اتخطبت وهو تعبان ومش عارف اعمله اى
_هو تعبان عشان بيتحمل نتيجه غلطه
عشان راح حب واحده مش حلاله وفكر فيها وقد يكون كلمها
اده مشاعره للشخص الغلط
يقفل على قلبه ويقرب من ربنا وميعلقش قلبه بحد غير الله وربنا يريح قلبه
هداني الله واياكم
رديت علي سؤاله وكنت بقول كل كلمه لنفسي قبل ما اقولها ليه
_ياشيخ طب هو انا ممكن انصح حد بحاجه وانا بعملها؟
_الناس فاكره المشايخ دول ملايكه ماشيين على الارض
لما بنصح حد بحاجه بيكون فاكر اني مستحيل اعمل كدا
رغم اننا ممكن نكون بنعمل نفس الذنب
لكن بننصح الناس لعلى الله يتوب علينا منه
ف حتى لو بتعمل الذنب متبطلش تنصح الناس بيه
اقول قولي هذا واستغفر الله لي ولكم
__________________
وقفت قدام الدولاب وانا بحاول اختار لبس
بصيت بحزن وانا مش لاقيه اى حاجه مناسبه البسها تكون ساتره جسمي
كل ما بفتكر كلام حور عن اللبس الواسع بحبه
يبقى معقول الدولاب دا كله مفيش ولو طقم يرضي ربنا💔
(ودا حال بنات كتير لما كنت بتكلم مع بنات واشجعهم ع اللبس الواسع واقولهم النهارده يلا البسي دريس او جيب كانت تقولي مش عندي 💔)
وقفت وانا مش عارفه اعمل اى
وبعدين جه ف بالي ياسمين هي اللي هتنفعني
قررت اني اطلع ليها
اكيد بتجهز دلوقتي عشان جامعتها
لبست وطلعت الدور اللي فوق وخبطت
كنت بدعي فى سري إن ياسمين اللي تفتح مش زين
والحمد لله هي اللي فتحت
اول ما شافتني اتفاجئت
_روان بذات نفسها هنا ادخلي ادخلي
_ازيك يا ياسمين عامله اى
_الحمد لله فى زحام من النعم اخبارك انتِ
_كويسه
_مالك شكلك عايزه تقولي حاجه
_بصراحه كنت جايه اطلب منك حاجه تكون يعني كويسه البسها عشان يعني لبسي
_حيلك حيلك الكسوف دا كله عشان تاخدي طقم
الدولاب كله تحت قمرك
انا فرحانه بيكي اوووي يا روان
_شكرك جدا يا ياسمين انا كنت خايفه لتزعلى بس مقلتش حد غيرك
_يابنتي متقوليش كدا انتي اختي
ومين عارف مش يمكن تكوني مرات اخويا😉
رديت بكسوف ووشي احمر وانا بحاول اغير الموضوع
_طب انا هقوم اشوف اللبس
_اهربي اهربي مصيرك تقع ياجميل
فتحت الدولاب
كان اغلب اللبس اسود وكبير مش هيكون حلو عليا
_عارفه اللي انتي بتفكري فيه
عندي يستي دريس ملون وحلو وكمان مش بلبسه استني هجبهولك
اهو يستي
_الله دا حلو اوي ازاي مش بتلبسيه
_يعني عشان هو ملون بس وانا بحب الغوامق
_هي الالوان حرام هي كمان؟
_لا مش حرام طالما اللون مش ملفت عادي
_طب مهي اغلب الالوان ملفته
_بصي يا روان عندنا هنا فى مصر الالوان مش ملفته اوي لان الغلبيه كدا بنحسبها ازاي
يعني مثلا عندك السعوديه كلهم بيلسبوا اسود ف لو جيتي انتي لبستي ملون هتكوني ملفته
على العكس عندك الدول الاوربيه بيلسبوا اصلا لبس مش ساتر وملون
ف لما تيجي انتي تلبسي اسود هتكوني ملفته
هنا بقى الالوان وسط
البسي اللون اللي هيكون هادي بس ميكنش ملفت ولو منتقبه يبقى الافضل غوامق
_بس انتي اغلب لبسك اسود مش غوامق
_عشان انا برتاح فيه اكتر حاجه يكفي ان الاسود ملك الالوان
وقومي يلا البسي الدريس بسرعه عشان منتاخرش
خدي البسيه فى اوضه زين على منا اكون لبست
متقلقيش هو مش موجود
كنت متردده فى الاول بس كان عندي فضول ادخل الاوضه
خدته منها ودخلت
كانت لسه زي ما هي من واحنا صغيرين بس فيه بعض التغيرات
لفت انتباهي صوره كبيره على الحيطه لولد صغير وشايل طفله صغيره وهو ماسكها جامد وحاضنها وهي مخبيه وشها
الولد كان زين ملامحه متغيرتش كتير
لكن مين البنت اللي شايلاها دي وكمان عامل صوره كبيره وحاطها يمكن تكون ياسمين
لحظه كدا انا كنت سمعت ان تعليق الصور حرام
ازاي زين حاطط الصوره فى اوضته؟
خدت الدريس وقومت لبسته ووقفت قدام المرايه
كان شكله جميل اووي كنت حاسه نفسي زي الفراشه
انا مش باين مني حاجه ولبسي ساتر اكيد ربنا هيكون مبسوط مني
فضلت اضحك والف حوالين نفسي
لقيت حد بيفتح الباب وبيدخل
_تعالي يا ياسمين شوفي انا حلو...
_روان!!!!
كان زين
فضل واقف شويه وهو مصدوم
بصلي بنظره غريبه
نفس النظره اللي كان بيبصلي بيها واحنا صغيرين
مقدرتش اتكلم وفضلت ساكته
فضل واقف باصصلي وفجأه انتفض كأن عقربه لدغته
وطلع بسرعه
نزل من الشقه وهو بيرزع الباب جامد
لقيت ياسمين جات
_هو زين كان هنا
_انتي مش قولتيلي انه نزل
_هو كان نزل بس شكله نسي حاجه ورجعلها
اى اللي حصل خلاه ينزل ويرزع الباب كدا
_ممش عارفه هو لما جه وشافني هنا وقف دقيقه وبعدين وشه احمر ونزل بسرعه
هو للدرجه دي بقى يكرهني ومش عايز يشوفني؟
_لا طبعا اى اللي بتقوليه دا زين بيحبك زي ما بيحبني
هو بس يمكن عشان اتفاجئ بيكي
بس اى الحلاوه دي قمر عليكي اووي
وكمان مش مبينه شعرك
يعني انتي لابسه واسع عشان يخفي جمالك يقوم يذيدك جمال
لا حول ولا قوة الا بالله
_هههه متكبريش الموضوع اوي
يلا عشان منتاخرش
صح انتي ممشتيش مع زين زي كل يوم ليه
_انا قولته يمشي هو وانا كنت هعدي عليكي نمشي سوا
حسيت بكسوف من نفسي
ياسمين طلعت كويسه وانا طول عمري بعاملها وحش
لقتها بصتلي وإبتسمت ومسكت ايدي
ونزلنا انا هي ومشينا سوا.
لما ركبنا لقيت ياسمين بطلع المصحف بتاعها وبتقرأ منه
_تحبي تاخدي تقرأي معايا
_لا عادي اقراي انتي انا هتفرج على الطريق
_نفس الطريق دا هيشهد ليكي يوم القيامه على كل حرف قراتي فيه قران وسبحتي فيه ربنا
كلامها شجعني وفرحني
خدت منها المصحف وبدا اقرا فيه وهي طلعت تليفوها وبدات تقرا منه
لحد ما وصلنا
هي راحت كليتها وانا رحت كليتي
كنت متحسمه اشوف رد فعل صحابي لما يشوفوني باللبس دا
واخيرا وصلت لقيتهم قاعدين فى الكافتيريا روحتلهم
_هاي يا بنات
_رواااان
_اى رأيكم؟
اى القر'ف اللي انتي لابساه دا
حااااسب
وقف العربيه على اخر لحظه بعد ما خبطت رجلي بحاجه بسيطه
وقعت على الارض
حمدت ربنا اني لابسه جيب تحت الملحفه ومفيش حاجه بانت مني
لقيت السواق نزل يزعق فيا ويقولي اني انا اللي قطعت عليه الطريق
_وبعدين هتشوفي ازاي بالاسود اللي لابساه على وشك دا
_محمووود
لقيت راجل كبير نزل من العربيه وساند على عكاز
قرب مني ولقيته بيبتسم
_انا اسف ليكي يابنتي حقك عليا
_لا ياحاج متعتذرش انا اللي غلطانه
_ططب تعالي اوديكي المستشفي اطمن على رجلك
_لا مش مستاهله سليمه ان شاء الله
_انتي رايحه فين اوصلك
_لا شكرا مش هينفع انا هروح لوحدي
_لا مش هسيبك تروحي وانتي تعبانه كدا
_ربنا يبارك فيك بس انا اتاخرت على والدي ولازم اروح
_تعرفي انك بتفكريني بمراتي الله يرحمها
كانت بتلبس زيك كدا برضو ربنا يبارك فى اللي رباكي
_ربنا يرحمها يارب وشكرا لحضرتك جدا
ليث: بابا انت بتعمل اى هنا
لفيت وشي عشان اشوفه واتصدمت
_انت
#يتبع
انضم لجروب التليجرام ( هينزل فيه الرواية كاملة ) اضغط هنا