رواية عشق التحكم الفصل الخامس والثلاثون 35 بقلم اسماء سلام
رواية عشق التحكم الفصل الخامس والثلاثون 35 هى رواية من تأليف المؤلفة المميزة اسماء سلام رواية عشق التحكم الفصل الخامس والثلاثون 35 صدرت لاول مرة على فيسبوك الشهير رواية عشق التحكم الفصل الخامس والثلاثون 35 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق التحكم الفصل الخامس والثلاثون 35
رواية عشق التحكم الفصل الخامس والثلاثون 35
روح سابت فؤاد ودخلت غرفتها وقفلت على نفسها
اول لما دخلت قعدت على السرير وانهارت من العياط على حب حياتها
روح لي.يه يع..مل ك..ده انا مستح....يل اسامحه
أما فؤاد فهو قاعد على الكنبة مش عارف يعمل .. يكمل مع مين .. مع حبيبته ولا أم ابنه
تفتكروا فؤاد هيعمل ايه
الليل عدى عليهم فى اللى خايف وفى اللى منهار وفى السعيد وفى المحتار ... الخ
فى الصباح
روح صحيت وقامت وقفت قدام المرايا وشافت نفسها ولقت عينيها منتفخة من أثر العياط وتحت عيونها اسمر وسرعان ما تذكرت اللى حصل وقعدت تعيط بحرقة بس حاولت تستجمع نفسها وتمنع نفسها من العياط وتمسح دموعها
روح اوعى تعيطى .. انتى اقوى من كده .. هو اللى خسران .. وبدأت تعيط من جديد .. أنا اللى خسرت وخسرت أول حب فى حياتى .. خسرت زوجى .. خسرت قلبى .. وصوت عياطها على
أما الفؤاد فهو قعد طول الليل متضايق ويفكر هيعمل ايه فى الموقف اللى هو فيه وبعد فترة نام واول لما صحى اتوضى وصلى وطلع يشوف روح
فؤاد كان رايح لغرفة روح وسمعها وهى بتعيط
فؤاد وهو بيخبط على الباب يا روووح .. مالك يا روح .. افتحى الباب لكن روح مستمرة فى العياط ومش بترد عليه
فؤاد راح وجاب مفتاح اوضتها من جوه وتمنى أنها متكونش حاطه المفتاح فى الباب من جوه وفعلا مكنتش حطاه و فؤاد فتح الباب
فؤاد اول لما فتح الباب لقى روح قاعدة فى الارض قدام المرايا وعماله تعيط
فؤاد جرى عليها وقرب منها وقعد يطبطب عليها
فؤاد أنا آسف يا روح .. متعيطيش علشان خاطرى لكن روح مش بتتوقف عن العياط بالعكس بتزيد اكتر واكتر
فؤاد مش عارف يعملها ايه فحضنها وطبعا هى مش بتقاوم ولا بتعمل اى حاجة غير العياط وبعد شوية طلعها من حضنه ومسح دموعها
روح ابعد عنى مش عايزاك
فؤاد مش هقدر صدقينى .. والله بحبك وعايزك وحاول يقرب منها تانى فروح قعدت تزعق وصوتها على وقامت وقفت وكانت ماشية بس وقعت على الأرض
فؤاد جرى عليها وهو ملهوف وقعد يفوف فيها بس مش بترد وكده وبعدين شالها ورن على الدكتور علشان يجى يكشف عليها
فؤاد قاعد جمب روح على السرير وماسك ايديها وبعد شوية الدكتور جه
الدكتور هى مالها
فؤاد كنا متخانقين مع بعض وبتعيط اوى وبعدين قامت وقفت و وقعت وحاولت افوقها لكن مفيش فايدة فرنيت عليك يا دكتور
الدكتور هى عندها انهيار عصبي وانا اديتها حقنة مهدئة .. طب البريود كانت عندها امتى ؟
فؤاد مش عارف يا دكتور بس ليه يعنى
الدكتور اصل انا شاكك أنها حامل وفى علامات بتبين كده بس بردو مقدرش أأكد كده إلا بالتحليل فاعملى التحليل وابعتلى وكمان هاتلها العلاج ده وضرورى تبعد عن التوتر
فؤاد تمام يا دكتور شكرا لحضرتك
فؤاد بعد ما الدكتور مشى رجع قعد جمب روح وبس عليها وقال
فؤاد كلام الدكتور فرحنى اوى انك ممكن تكونى حامل .. نفسى تكونى حامل يا روح بحيث يكون فى فرصة تكونى معايا مع ان دى أنانية بس انا مستعد اعمل اى حاجة علشان اكون معاكى وباسها من شفتها قبلة سطحية وخادها فى حضنه ونام
أما عند ندى وعدى
عدى أنا تعبت من شكك فيا .. مش كل شوية تقولى الولد ده ابنى .. قولتلك مش ابنى وهى قالتلى كده قبل لما نطلق .. ليه ناوية تخربى علاقتنا يا ندى
ندى بعياط أنا مش عايزة اخرب علاقتنا بس مش قادرة ابطل تفكير من ساعة التحليل اللى اتبعتلى
عدى حضنها وقال متعيطيش يا ندى .. أنا مش قصدى اتعصب عليكى بس لازم حل للموضوع ده
ندى طلعت من حضنه وبصتله وقالت هتعمل ايه ؟
عدى هروح لمروة واسألها
ندى هاجى معاك
عدى لأ يا ندى .. أنا عايز اكلمها لوحدى علشان ننهى الموضوع ده مع انى حاسس ان الولد ده مش ابنى بس هعمل كده علشانك
أما ايمان وسليم
فسليم وإيمان وإيمان اتخطبوا والحياة بينهم كويسه وسليم بدأ يحب ايمان
أما زياد وياسين
زياد حبيبتى بكره فرحنا انا مبسوط اوى
ياسمين بقلق أنا كمان
زياد اومال مش باين عليكى ليه
ياسمين فرحانه بس قلقانه من اللى حصلى
زياد مسك ايديها وقالها متخافيش يا روحى .. أنا معاكى ومن بكره نبدأ صفحة جديدة .. فعايزك تهدى كده وتنسى اللى فات
ياسمين بحاول يا زياد .. بس غصب عنى
زياد وانا معاكى يا روحى .. وكمان أنا محضرلك مفاجأة هتخليكى مبسوطه وتنسى الموضوع ده تماما بس بكره مش النهاردة
ياسمين ايه هى يا زياد
زياد دى مفاجأة ومينفعش اقولك عليها دلوقتي
ياسمين كده يا زياد .. اخص عليك .. انا زعلانه 🥺
زياد وانا ميهنش عليا زعلك بس بردو المفاجأة بكره وقعد يضحك 😂😂😂
ياسمين ماشى يا زياد .. بكره مش بعيد
عند روح وفؤاد
بعد كام ساعة بدأ تأثير الحقنة يروح وروح صحيت
اول لما صحيت لقت نفسها مقيدة بايد فؤاد كأنه خايف تهرب منه .. بصت ليه وقالت
روح قد ايه وسيم وشكلك طيب وانت نايم بس للاسف انت انانى .. ومش قادرة انسى حزنك ولا اسامحك .. نفسى معجزة تحصل وتغير كل حياتى
اول لما حاولت تقوم فؤاد صحى وبص ليها بلهفة
فؤاد عامله ايه يا روحى .. انتى كويسه
روح هكون كويسه وانا بعيدة عنك .. فابعد عنى
فؤاد بدموع تنزل لأول مرة منذ معرفتها بزواجه .. بس انا مش عايز ابعد عنك .. أنا بحبك يا روح .. وعايزك معايا .. أنا مش عايز حاجة فى الدنيا دى غيرك .. فيا ريت متبعديش عنى
روح بدموع هى الأخرى : ولا أنا عايزة ابعد عنك لانى حبيتك وحطت ايديها على قلبها وقالت وكل ده بسببه .. كنت في الأول مش بحبك لكن بقيت تقرب منى .. وبعدين زادت فى العياط وقالت
_ ارجوك يا فؤاد من فضلك سيبنى اروح لاهلى وابعتلى ورقة طلاقى .. زى ما دخلنا بالمعروف نخرج بالمعروف ولا كأن فى حاجة حصلت
فؤاد قام حضنها وبعدين التهم شفتيها بشفتيه بعمق وهى ضعفت بين أيديه وبادلته القبلة بحب كأنها اخر قبلة بينهم ( قبلة الوداع ) وبعد فترة فؤاد فصل القبلة وسند راسه على رأسها وقال
_ فرصة كمان يا روح علشان حبنا
روح مش قادرة يا فؤاد .. وكل لما بشوفك بفتكر اللى حصل وبعيط من جديد وبنجرح اكتر وده مش هيساعدنى ابدا وكمان مش هيكون فى صالحك فسيبنى اروح لأهلى
فؤاد لأ اهلك لأ .. مدام لما بتشوفينى بتتعبى فأنا هسيبلك البيت وانزل انام مع اهلى أو انام فى اى حتة بس انتى متسيبيش البيت
روح وتنام فى حتة تانية ليه .. روح نام عند مراتك التانية قالت الجملة الأخيرة وقلبها بيتقطع
فؤاد والله يا روح لولا ابنى لكنت طلقتها بس مش عايز ابنى ينحرم من ابوه .. فأنا مش هروح عندها
روح بس بردو لو قعدت فى البيت هفتكرك لانى هبقى فاضية مش بعمل حاجة لكن لو روحت عند اهلى هنشغل معاهم وهنسى
فؤاد خلاص يا روح اعملى اللى يريحك وانا مش هضغط عليكى بس انتى عايزة تنسى ايه ؟
-- تنسي خيانتى ليكى ولا تنسينى أنا ؟
روح تجاهلت سؤاله وقامت من جمبه وفتحت دولابها وبدأت تلم هدومها
فؤاد راح اوضته وكتب ليها رسالة وحطها فى ظرف وراح لغرفتها وقال
فؤاد خدى الظرف ده يا روح وابقى اقرئيه
روح كانت هتفتحه بس فؤاد مسك ايديها وقالها
فؤاد لما تبقى عند اهلك
روح هتفرق فى ايه دلوقتي ولا هناك ؟
فؤاد هتفرق كتير .. لما تروحى عند اهلك افتحيه
روح يعنى امتى بالضبط
فؤاد فى اى وقت تحبى وحضنها جامد وقال عند اذنها
_ بحبك اوى وهفضل احبك طول العمر وهتعرفى ده بعدين وبعدين بعد عنها وقال هتستناكى بره واول لما تخلصى اندهيلى علشان اشيلك الشنط و اوصلك
روح اومأت برسها بمعنى تمام
روح صعبانه عليها فؤاد بس فى نفس الوقت صعبان عليها نفسها والظلم اللى تعرضتله بسببه
فؤاد وصل روح لأهلها وروح قالتلهم أن فؤاد مسافر وأنهم وحشوها وهتقعد معاهم فترة
روح بصت على فؤاد وهو ماشى وافتكرت سؤاله
_*تنسي خيانتى ليكى ولا تنسينى أنا ؟*
روح قعدت عند اهلها اسبوع وطبعا فؤاد كل شوية يبعت ليها يعتذر ويحاول استعطافها لكن هى لسه زعلانه وطول اليوم فى غرفتها وبتعيط
لمياء ( اخت روح ) مالك يا روح .. من ساعة لما جيتى وانتى قاعدة فى اوضتك ومش بتكلمى حد واكلك ضعيف .. قوليلى مالك
روح بصت لاختها بدموع وقالت فى نفسها اقولك ايه ولا ايه يا لمياء ..اقولك اتجوز عليا وظلمنى ولا اقولك استغلنى عنى ولا اقولك مراته حامل و هل الكلام هيفرق ولا حد هيحس بيا فالافضل اسكت
لمياء سكتى ليه يا روح ؟
روح مفيش يا اختى .. كل الحكاية أن فؤاد وحشنى اوى وطبعا مش هعرف اشوفه
لمياء حاسه بيكى .. أنا بردو عماد لما بيكون مسافر بزعل اوى بس بفتكره كل لما اشوف اى حاجة فى البيت .. ريحته مالية البيت .. روحى بيتك يا روح وانتى ترتاحى
روح بالعكس هفتكره اكتر واعيط
لمياء براحتك يا روح .. يلا تعالى كلى .. أنا جبتلك الاكل اهو
روح بدأت تاكل ولكن فجأة حست أن نفسها غمت عليها وجريت على الحمام ترجع