رواية زواج لغرض ابنه مريم ومعتز الفصل التاسع عشر 19 بقلم رحاب القاضي
رواية زواج لغرض ابنه مريم ومعتز الفصل التاسع عشر 19 هى رواية من تأليف المؤلفة المميزة رحاب القاضي رواية زواج لغرض ابنه مريم ومعتز الفصل التاسع عشر 19 صدرت لاول مرة على فيسبوك الشهير رواية زواج لغرض ابنه مريم ومعتز الفصل التاسع عشر 19 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية زواج لغرض ابنه مريم ومعتز الفصل التاسع عشر 19
رواية زواج لغرض ابنه مريم ومعتز الفصل التاسع عشر 19
ــــــــــــــــــــــــــــــــــــــــــــــ
معتز وقف قدام مريم وقال لسيف
كلامك معايا انا، انت والبنت اللي جنبك دي ما تبصوش لمريم بعينكم اصلا..
سيف بضيق
انت فاكر نفسك ايه ما هي شافت حقيقتك، اوعي تصديقه يا مريم ده واحد مش سالك..
معتز
لا وانت السلكان مقطع بعضه عندك، وبعدين انا لسه ما حاسبتكش علي انك تفكر تراقب حضرة الظابط معتز كمال..
سيف
انا جاي عايز اتكلم مع بنت عمي لوحدنا، واسراء هتمشي ومش هتقرب من. مريم تاني..
اسراء بغيظ
ده كداب يا مريم هو اللي ضحك عليه والله، انتي عارفه انا اصلا ما كنتش بطيقه..
معتز زعق فيها
بس يا بت وامشي من هنا والا مش هيحصل كويس وخدي الصوصار اللي جنبك ده معاكي..
سيف بجمود
وانا مش همشي من هنا غير لما اتكلم مع مريم لوحدنا..
طلعت فريده وقالت
انت عامل مشاكل ليه يا سيف ما تسيبها في حالها..
معتز
لا ازاي هو لازم يتهان عشان يلم نفسه..
_قبل ما يقرب منه معتز مسكت مريم ايده ووقفت جنبه وقالت بعد ما مسحت دموعها بكل قوه..
مريم
وانا مش عايزه اتكلم معاك ولا اشوفك اصلا، ولو عندك كرامه ابعد عني وسيبني في حالي وبطل تدخل في حياتي انا وجوزي لانه مش زيك ومش صوره هتخليني اشك فيه لانه انضف منك يا سيف مليون مره..
سقف معتز وفريده وقال معتز
عااااش ايوه كده اهي دي بجد مرات ظابط شرطه..
مريم بحماس
اومال انت فاكرني ايه ده انا مش ساهله..
فريده
حبيبة خالتك تربيتي جات بنتيجه..
سيف بدموع
وانك تكوني مبسوطه دي حاجه تسعدني وانا اسف يا اول واخر حب في حياتي..
مغتز بغيظ
امشي من هنا يالا وحسابنا لسه مخلصش ولو قربت من مريم ولا ما هخلي حد يعرفلك. طريق..
سيف بضيق
طيب خلي بالك منها و..
اتعصب معتز وزقه وقال
وانت مال اهلك اصلا..
مسكته مريم وفريده وقالت مريم
خلاص يا معتز عشان خاطري سيبك منه..
فريده
امشي من هنا يا سيف ومتجيش بيتي تاني انت فاهم ولا لا..
_نزل سيف وهو ماسك اسراء من دراعها جامد، وهي زعقت فيه وقالت..
اسراء
سيب ايدي يا سيف اوعي كده..
سيف
اياكي تقربي من مريم فاهمه ولا لا..
اسراء
هو انت ليه محسسني اني لوحدي اللي خونتها، انا خونتها معاك انت..
سيف
سيبي مريم في حالها، لا انا ولا انتي نستاهل اننا نكون في حياتها، انتي ليكي الاشكال اللي بتمشي معاها وانا لازم ابقي لوحدي لا صحاب ولا اخوات ولا حبايب...
اسراء
انت بتعيط يا سيف؟..
سيف بحده
مالكيش دعوه، كفايه بقي الحكايه دي بقيت بايخه اووي خلينا نسيبها في حالها احسن....
اسراء
هو انت عرفت منين اني هنا؟..
سيف
صدفه، روحي يا اسراء ولو احتاجتي حاجه ابقي تعالي عندي وربنا يهديكي..
مشي سيف واسراء قالت لنفسها بسخريه
هو ماله قلب فيها الملاك البرئ كده، كان نفسي مريم ترجع صحبتي تاني انا الدنيا زنقت اووي معايا ومحتاجه فلوس..
ـــــــــــــــــــــــــ
_بعد شويه في عربية معتز كانت مريم قاعده مدايقه واياد قاعد علي رجلها..
معتز
بعد كده يا اياد هتركب لوحدك ورا انت كبير مش صغير..
بص اياد بدموع لمريم اللي قالت لمعتز
هو انت مالك، اياد كبير ودلوع ماما وبراحته..
معتز
مريم انا عايز الواد ده يطلع راجل مش عيل طري..
مريم
ما تقولش عليه كده، وبعدين انت رايح فين ده مش طريق البيت..
معتز
لا ما انا اليومين دول اجازه فهنطلع شرم في الشاليه بتاعي..
مريم
انت بتستهبل انا مش جايبه حاجه معايا لا ليا ولا لاياد..
معتز
يا حبيبتي هجيبلكم اللي انتو عايزينه..
ابتسمت مريم وقالت
حلوه حبيبتي دي..
معتز بخبث
لا ما لسه في حاجات حلوه كتير هو انتي شوفتي حاجه..
ضحكت مريم وبصت من الشباك، ووقف معتز عند سوبر ماركت وقال لاياد..
معتز
تعالي يا اياد معايا هنجيب شوية حاجات..
اياد بص لمريم وقال
اروح معاه يا ماما؟..
مريم بصوت واطي
ايوه يا حبيبي وقوله زي ما اتفقنا..
_نزل اياد ومعتز شاله علي ايده وجابله كل الحاجات اللي عايزها واياد قاله..
اياد
علي فكره انا بحبك يا بابي مش بكرهك..وو.. نسيت الباقي..
معتز
باقي ايه بالظبط؟..
اياد
اللي ميمي حفظته ليا عشان ما تزعلش..
ضحك معتز وقاله
المهم تعرف انك اغلي حاجه عندي، وانا بحبك اووووي...
اياد
وانا كمان بحبك يا بابا، بس انت مش هتخلي ماما تسيبني صح..
معتز
لا يا حبيبي مش هخليها تسيبك وهنفضل مع بعض علي طول..
ـــــــــــــــــــــــــــ
_وبالليل وصل حازم البيت وراح شقة مامته عشان يطمن عليها هي ونيره واول ما خبط علي الباب، فتحتله نيره اللي كانت ماسكه كتابها في ايدها..
نيره بابتسامه
حازم اخيرا جيت انا كنت قلقانه عليك اووي..
حازم بسخريه
انتي بتقوليلي انا كده يا نيره هو انتي كويسه الدنيا تمام معاكي ولا في حاجه..
نيره بغيظ.
تصدق انا غلطانه تعالي خالتو جوه بتصلي العشا..
مسك حازم ايدها وقال
يا ستي خلاص والله ما اقصدش والله، انا كويس اهو الحمد لله انتي ايه الدنيا..
نيره
تمام تعالي عشان هنتعشي دلوقتي..
حازم بجمود
نيره اخر مره هسألك مين الولد اللي جالك ده، وما تقوليش زميلك في الجامعه انا مش مختوم علي قفايا..
اتنهدت نيره وردت عليه وقالت
هو فعلا مش زميلي في الجامعه ده حد من تبع نور اختي..
حازم بعدم فهم
نووور لا ممكن تفهميني بالراحه اي علاقة الولد ده بنور اختك..
نيره بدموع
لو سمحت يا حازم انا ما صدقت حياتي بدات تتحسن شويه، مش عايزه ارجع تاني زي الاول..
حازم بثبات
تتجوزيني؟..
نيره اتوترت
يا حازم والله مش كده علي فكره في مثدمات وحاجات، مش بتيجي مره واحده كده..
حازم
انتي عارفه اني بحبك فما فيش داعي افضل وراكي واثبتلك حاجه زي دي، انا خلاص عايز اتجوز واستقر..
نيره
بعد ما اخلص الجامعه بتاعتي و..
حازم بحده
وانا استني سنتين تاني ليه، ما انتي كده كده عندنا اهو وبتكملي الكليه بتاعتك فرقت بقي تكمليها وانتي قاعده عندي فوق..
نيره اتنهدت بضيق وقالت
لو سمحت يا معتز بلاش تضغط عليا و...
حازم
اضغط عليكي عشان عايزك تبقي معايا، براحتك يا نيره اعتبريني ما طلبتش منك حاجه اصلا..
_خلص كلامه ومشي وهو مدايق، وقفلت نيره الباب وجات تدخل لقيت ناهد في وشها..
نيره بدموع
شايفه يا خالتو يا اقوله حاضر علي كل حاجه يا يزعل ويتقلب عليا..
ناهد
خلاص طيب ما تزعليش وانا هطلع اتكلم معاااه..
نيره
لا ما تطلعيش يا خالتو سبيه براحتو..
ــــــــــــــــــــــــــــــــــ
_بعد شويه كانت وصل معتز ومريم واياد مدينة شرم الشيخ، وراحو مول كبير يحيبو منه الحاحات بتاعتهم..
معتز
مريم سيبي يختار لوحده وتعالي اوريكي حاجه..
مريم وهي بتكلم اياد
الموف احلي يا ايدوو اخضر ايه اللي تجيبه انا مش بحب اللون الاخضر..
معتز بصوت عالي
مرييييم..
زعقت فيه مريم
عابز ايه مش شايفني بختار للواد..
معتز بغيظ
متزعقليش قدام الناس واتنيلي تعالي معايا اوريكي حاجه..
مريم
بقولك ايه يا اياد نقي اللي انت عايزه من هنا براحتك ابوك غني وعلي قلبه اد كده..
معتز
فلست خلاص بعينك اللي راشقه في حياتي تعالي معايا..
شاورلها علي فستان وقال
هاا ايه رئيك في الفستان ده حلو مش كده؟..
مريم
يخربيتك هو انت منهم عايز تلبس فستان يا معتز..
ضحكت البنت اللي واقفه، ومعتز قال
هديكي علي وشك انا بختاره ليكي انتي..
مريم
انت عايزني انا مراتك البس فستان هشك بشك زي ده..
معتز
هو انتي هتلبسيه لحد. غريب ده انا جوزك وبعدين الشاليه بتاعي مقفول محدش هيشوفك بيه غيري..
مريم بتوتر
لا لا ده قصير اوي وهيكون دايق اووي عليا وانا اتكسف البس الحاجات دي..
معتز بغيظ
لا معلش هنجيبه، وهنجيب اتنين كمان الاحمر والاسود..
مريم
لا مش هلبس انا الحاجات دي يا معتز؟..
معتز
لا هتلبسيه وبطلي عند بقي..
مريم بحده
علي فكره انا بنت ناس ومتربيه علي اللي انت عايز تجيبه ده..
معتز
هو انتي اللي فهمك التربيه فهمهالك غلط، يعني لما تلبسي حاجه زي كده لجوزك تبقي مش متربيه...
مريم
يا معتز قولتلك بتكسف بقي، وبعدين خلي بالك من اياد هروح اجيب حاجه من الصيداليه وجايه..
معتز بقلق
انتي تعبانه ولا ايه عايزه تجيبي ايه من الصيداليه..
مريم بتوتر
عايزه اجيب حاجه كده يا معتز يعني وهاجي بسرعه..
معتز
حاجة ايه دي يعني ما تتكلمي علي طول..
مريم بكسوف
حاجه كده وخلاص ما انت ما قولتش اننا هنيجي هنا وانا ما عملتش حسابي..
معتز
هو لو كان اللي فبالي صح هتبقي مشكله لانهم هما يومين اجازه بس وانا جاي اتدلع فيهم..
مريم
قصدك ايه يعني مش فاهمه..
معتز
بصي احنا الدخله متاجله من لما اتجوزنا فالنهارده..
قاطعته وقالت بشماته
لا لا مش يومك النهارده للاسف..
اتنهد بغيظ وقالها
والله كنت متوقع ان في حاجه هتعكنن عليا ام الاجازه روحي هاتي اللي عايزااه..
مريم
طيب متزوقش طيب..
معتز
استني خليكي مع اياد وانا هروح اجيبلك..
مريم
وانت هتعرف تجيبلي اللي انا عايزاه..
معتز
انا كنت متجوز ست سنين وكنت متعود اجيب الحاجات دي عادي..
مريم ضحكت
وكنت بتجيب ايه تاني، قولي بس الصيدلي كان بيبصلك ازايي...
معتز بغيظ
غوري من وشي انا علي اخري منك اصلا..
_مشيت مريم وهي بتضحك وهو بص للبنت وقالها بصوت واطي..
معتز
بصي الفستان الاحمر والاسود لفيهم كده من غير البومه دي ما تاخد بالها تمام..
ضحكت البنت وقالتله
ههههه حاضر يا افندم تحت امرك..
_وبعد شويه جاب معتز طلبات مريم وراح اختار لنفسه هدوم هو كمان وكان لابس تيشرت ازرق مبين عضلاته والبنات اللي شغالين في المحل باصين عليه باعجاب وبيتكلمو مع بعض، قربت منه مريم وقالت بغيظ..
مريم
ايه القرف اللي انت لابسه ده ممكن تغيره..
معتز
قرف ايه هو في حلاوتي ولا انتي بتحوشي العين عني..
مريم بضيق
روح غير الزفت ده يلاااا..
بص معتز وراه وضحك وقال
قولي كده بقي بتغيري يا ميمي..
مريم بحده
ايوه بغير مش جوزي..
قرب منها وقال
غير براحتك يا باشا هدخل البس اللي انتي عايزااه..
مريم
لا ما تغيرش بس احنا جيبنا اللي عايزينه يلا نمشي..
اياد
بابا انا جيبت كاب شبه بتاعك حلو اووي صح..
شاله معتز وقال
والله ما شوفت في حياتي احلي من مرات ابوك..
ضحكت مريم وقالت
ولا احلي من ابووك يا اياد..
ــــــــــــــــــــــــــــــــــــــــــــــ
_في بيت اهل معتز دخل فاروق البيت اوتصدم لما لقي الفت قاعده وزيزي كمان..
فاروق بقلق
زيزي..
الفت
مش كنت تقول انكم متجوزين عشان كنت اخليك تعدل بينا..
زيزي
ايه رئيك في المفجأه دي يا بيبي..
فاروق
في اوضه هناك اهي يا زيزي ادخلي فيها وانا شويه وهجيلك..
الفت بدموع
وليه تستني شويه، انا هسيبلكم الشقه دي كلها وطالعه اقعد. فوق في شقة ابني، والف مبروك اصلها قالتلي انها حامل..
فاروق فرح وقال لزيزي
بجد انتي حامل يا حبيبتي..
زيزي
اومال انا جيت هنا ليه، عشان مش هنعرف نخبي اكتر من كده..
فاروق
دلزقتي حالا هاخدك ونروح نتجوز رسمي..
_نزلت دموع الفت وسابتهم ومشيت، وفاروق راح وراها، وطلعت زيزي موبيلها وقالت..
زيزي
ايوه يا فخري بيه الخطه ماشيه زي ما انت عايز، بس البيه الظابط ابنه مسافر يغر جو مع مراته وابنه..
فخري
بقي هو بيتفسح وابني انا هربان ده اللي جاي سوااد فوق دماغه..
ــــــــــــــــــــــــــــــــــــــــــــــ
_في بيت سيف كان قاعد وماسك موبياه وعيونه كلها دموع، كلم نيره بخط قدبم من اللي جابهم عشان يكلم مريم زمان..
نيره.
الو..
سيف بحزن
هو انا ايه اللي ممكن اعمله عشان بس تسامحيني..
نيره
مووت، ايوه بجد موت وريحني منك انت اكتر انسان انا بقرف منه في حياتي كلها...
سيف بحزن
اا انا مش عارف ابطل افكر فيكي، انا راحتي متعلقه بكلمه منك انتي..
نيره
وانا لو هموت مش هقولها ليك انت فاهم..
_قفلت نيره في وشه، ودخلت مامته وقالتله بعصبيه..
ام سيف
بقولك ايه انا زهقت بقي انزل شوف شغلك اللي سايبه ده..
سيف بجمود
في الاهم من شغلي لازم اخلصه، لازم ارتاااح من كل حاجه حصلت بسببي وبسبب غبائيي..
ام سيف
حسبي الله ونعم الوكيل فيكي يا مريم كل ده بيحصل بسببك انتي...
سيف بسخريه
لا لا انتي السبب انا بكرهك وبكره جوزك وبكره حبكم ليا اللي خلاني ابقي اناني ومغرور وحيوان وقذر انا بقيت شيطان وسط البني ادمين بسببكم..
ام سيف
لا انت اتجننت، انت ما بقتش طبيعي يا سيف..
_قالت كلامها وطلعت بره الاوضه وقعد سيف مكانه وبص علي رقم نيره وابتسم ابتسامه غريبه ومش مفهومه...
ــــــــــــــــــــــــــــــــــــــــــــــ
_في شرم الشيخ وخصوصا الشاليه الخاص بمعتز.. طلع من المطبخ وكانت مربم واياد فاردين الكنبه في الصاله ونايمين عليها ومتغطين، حط قدامهم العصير وقال..
معتز
ايدو عملتلك الموز باللبن اللي بتحبه، وانتي يا مريم عملتلك حاجه دافيه تشربيها عشان... ها انتي فهماني..
مريم اتكسفت وقالت
انا كنت ممكن ارد عليك رد وحش بس هعمل احترام لاياد..
نام معتز جنبيهم وكان اياد في النص وقال
بتتفرجو علي ايه بقي؟..
اياد
ده كرتون حلووو اووي انا وماما بنحبه..
معتز
لا غيرو انا مش بحب اتفرج علي كرتون..
مريم
انت تتفرج معانا وانت ساكت..
معتز بغيظ
انتي تسكتي خالص انا لو كنت افتكر اني هاخد الاجازه وهاجي هنا اتفرج علي كرتون ما كنتش جيت وكنت لاغيتها..
مريم بحماس
بالعكس هتكون اجازه حلوه، دي اول مره نخرج احنا التلاته لوحدنا..
معتز ابتسم وقال
معاكي حق، قولي بقي يا ايدوو الكرتون ده قصته ايه..
اياد
اتفرج وانت هتعرف..
مريم
هههههه تربيتي الواد ده والله..
معتز
لا خلاص اطمنت علي الواد، ما حدش هيعرف يجي عليه بعد كده..
_ وفضلو قاعدين يتفرحو علي التلفزيون لحد ما نامو وكان شكلهم حلو جدا واياد وسطيهم..
ــــــــــــــــــــــــــــــــــــــــــــــ
_تاني يوم كان حازم نازل من شقته رايح شغله ولقي نيره قاعده علي السلم...
حازم
ايه اللي مقعدك كده يا بت انتي..
نيره
بت اما تبتك، قاعده مستنياك عشان توثلني الجامعه زي زمان لمة كنت باجي ابات عند خالتوو..
حازم
امم بس زمان كنت بوصل نيره البنت اللي بتحبني ومش شايفه غيري، مش اللي بقيت غامضه وما اعرفش عنها حاجه..
نيره
ما انا قولتلك يا حازم انا مش تبعي الولد ده تبع نور..
حازم بحده
مش ده بس يا نيره انتي نفسك كده بقيتي وحده تانيه..
نيره بدموع
وانت شايف ان اللي حصل لنيره قليل عشان تفضل زي ما هي..
حازم
ما تجننيش علي الصبح، ايه علاقة اللي حصل بسبب رفضك للجواز مني..
ناهد من جوه قالت
وطي صوووتك يا حيوااان بدل ما اطلعلك..
نيره بضيق
برضو انت بتلف تلف وترجع لموضوع الجواز، ماشي يا حازم يلا نتجوز وانا هحط علي قلبي ووجعه حجر عشان سعادتك تكون مبسوط مش ده. اللي انت عايزه..
حازم بجمود
لا مش ده اللي انا عايزه، تعالي عشان هوصلك الجامعه..
نيره بضيق
لا هطلب اوبر..
حازم
براحتك..
_سابها ومشي وهي وقفت مدايقه منه ومن نفسها انها مش عارفه تبقي صريحه معاه..
ــــــــــــــــــــــــــــــــــــــــــــــ
_في الوقت ده كانت ندي قاعده في اوضتها بتعيط والباب اتفتح ودخل يوسف وبصلها بجمود..
ندي بخوف
طلعني من. هنا يا يوسف انت مخلي ابوك يحبسني هنا ليييه..
يوسف
عشان انتي بتاعتي انا وبس يا ندي، ومش هتمشي من هنا غير لما انا اجي اخدك...
ندي ببكاء
هو انا بعد اللي شوفته عليك تفتكر اني ممكن ارجعلك..
يوسف
ايوه هترجيلي غصب عنك، وبطلي دوشه انا جايلك وحياتي كلها معرضه للخطر، بس كان لازم اجيلك..
ندي ببكاء
انت بتعمل ليه كده فيا حرام عليك والله..
يوسف
عشان بحبك يا غبيه مش هعرف اعيش من غيرك..
ندي
ليه بتعمل كده، ليه كنت بتضحك عليا وبتقول انك كويس وانت اوسخ بني ادم شوفته....
يوسف
عشان كنت عايز حاجه نضيفه تبقي في حياتي، منت عايز ابقي كويس ولو شويه زي ما كنت بشوف نفسي في عينيكي..
ندي
انا قرفانه منك ومن كلامك ومن المكان اللي جمعني بيك..
يوسف بدموع
بطلي تعنلي دوشه ولما يجيبولك اكل كلي كويس عشان ابننا، وانا هاجي قريب وهاخدك ونمشي بعيد. عن كل ده..
_خلص كلامه ومشي وهي فضلت قاعده مكانها بتعيط بخوف وحزن..
ــــــــــــــــــــــــــــــــــــــــــــــ
_وعدت الايام ورا بعضيها ورجع معتز ومربم واياد القاهره وكانو مبسوطين اووي بالاجازه دي.. وقف معتز بعربيه قدام البيت ونزل اياد بسرعه وقال..
اياد
انا هطلع لتيته وجدو دول وحشووني اوووي..
مريم
استني جايه معاك يا اياد لتقع..
معتز
انا هسلم عليهم وهروح الشغل، وهاجي بالليل..
مريم
معتز ممكن اسألك سؤال ما رضيتش اسالهولك واحنا مسافرين عشان ما يحصلش مشكله بينا و..
معتز
ممكن تهدي وانا فاهم كل حاجه يا مريم من اول الحاجات اللي جبتيها من الصيداليه وما استخدمتيهاش اصلا..
_بصت مريم للارض بضيق، وهو طلع موبيله وفتحه واداه ليها وقال..
معتز
دي البنت اللي كانت معايا في العربيه وحدها حاطتها في بيت فخري تنقلي الاخبار من عندهم..
مريم
هو انت بتكلم علا اهو يعني وتساب..
سحب منها الموبيل وقال
انا مديه ليكي عشان تشوفي حاحه معينه، بتقلبي فيه ليه؟..
مريم ببراءه
شوفتها بالغلط بتكلمها ليه بقي؟..
معتز
عشان بتطمن عليا وعلي اياد، علي فكره علا دي كانت قدامي قبلك بس اخت مراتي واختي وهتفضل اختي علي طول، وانا قلبي اختار الغبيه اللي مش فاهمه ان مفيش ست خلقها ربنا دخلت قلبي وربعت بالشكل ده غيرها..
_وقبل ما ترد عليه مريم نزلت الفت ومعاها اياد وماسكه شنطة هدومهاا ووراهم فاروق..
معتز بقلق
في ايه يا جماعه مالكم؟..
الفت بدموع
هتعبك يا معتز توصلني بيت جدك الله يرحمه يلا دلوقتي..
معتز
طيل افهم في ايه بالظبط..
مريم
اندي يا طنط طيب وفهمينا في ايه، او قول انت يا عمو فاروق..
فاروق بحده
فاكره نفسها لسه عيله صغيره ولا متجوزين جديد عشان تعمل الحركات دي..
اتعصب معتز وقاله
لو يمحت ما تتكلمش عليها بالشكل ده، وقبل ما تقولها هي الكلام ده قوله لنفسك..
فاروق بحده
انت بتكلمني انا كده يا ولد يا قليل الادب..
_خلص كلامه ونزل بايده علي وشه، والكل اتصدم من اللي عمله فاروق وانه مد ايده علي معتز..
بس كانت الصدمه الاكبر لما عدت عربيه سودا كبيره وطلع منها ناس مسلحين و ضربو نار علي معتز وعيلته و؟؟..
انضم لجروب التليجرام ( هينزل فيه الرواية كاملة ) اضغط هنا