رواية عشق التحكم الفصل الثامن عشر 18 بقلم اسماء سلام

رواية عشق التحكم الفصل الثامن عشر 18 هى رواية من تأليف المؤلفة المميزة اسماء سلام رواية عشق التحكم الفصل الثامن عشر 18 صدرت لاول مرة على فيسبوك الشهير رواية عشق التحكم الفصل الثامن عشر 18 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق التحكم الفصل الثامن عشر 18

رواية عشق التحكم الفصل الثامن عشر 18

اوقات كثيره بنضيع حاجات حلوه مننا ، وللاسف الحاجات دي مش بتتكرر تانى ، والانسان بيندم انه ما اتمسكش بها وحافظ عليها بس الندم مش بينفع ساعتها ، كل واحد عنده حاجه جميله في حياته يحافظ عليها الله اعلم ممكن تكون اخر حاجه حلوه في حياتك او فرصة لا تعوض

تانى يوم

فؤاد صحى من النوم صلى ومسك الموبايل وبعت لسلمى

فؤاد صباح الخير يا حبيبتى ❤️

سلمى صباح الخير يا حبيبى ، يا زوجى العزيز

فؤاد حلوة اوى زوجى العزيز

سلمى بدلع أنا من هنا وجاى هقولك كل حاجة حلوة وهدلعك اخر دلع لانك بقيت زوجى حبيبى ومحدش هيهتم بيك ولا يدلعك غيرى

فؤاد بحب ايوه يا حبيبتي ، اهتمى بيا ، كلها اسبوع ونكون سواء فى بيت واحد ونشوف كل الدلع ده

سلمى بكسوف بس بقى يا فوأش

فؤاد وكمان بتدلعينى ، شكلها هتلعب

سلمى اه يا حبيبي هتلعب وباذن الله هنعيش احلى عيشة فى حلال ربنا وهعوضك عن كل لحظة كنت عايزنى ابقى معاك ومكنتش موجودة وهنسيك روح نهائى ومش هخلى ليها وجود فى حياتك

فؤاد تمام يا حبيبتى ، أنا عايز كده بس ليه تجيبى سيرة روح ، سيبيها فى حالها وانتى فى حالك ، أنا مش عايز مشاكل ، علشان اعدل بينكم انتم الاثنين

سلمى وليه تعدلى بينا ، هو انت هتديها حقوق زى حقوقى ولا ايه

فؤاد يا سلمى يا حبيبتى ، كل الحكاية انى هعاملها كويس بس طبعا انتى احسن وهكون معاكى كزوج لكن هى هكون معاها كأخ

سلمى حبيبى يا فوأش

فؤاد قلبى يا ناس ، صحيح يا سلمى ، انتى دلوقتي بقيتى مراتى فعايزك تحاولى تغيرى من لبسك وتلبسى عبايات مش بناطيل ضيقة والطرحة تكون مضبوطة مش نص شعرك باين

سلمى بضيق هحاول يا فؤاد ، يلا سلام علشان هشوف ماما عايزة ايه

فؤاد سلام يا حتة منى ❤️

فؤاد طلع يشوف روح بس لقاها نايمة فاتفاجا لأنها اول مرة تخليها نايمة بعده خصوصا أنها نايمة بدرى ومكملتش الفيلم معاه امبارح

فؤاد بقلق روح ، اصحى يا روح

روح قامت وقالت صباح الخير ، حد يصحى حد كده

فؤاد مش قصدى بس خوفت لما لقيتك لسه نايمة لانك أول مرة تعمليها

روح علشان نايمة زعلانه من فيلم امبارح

فؤاد خلاص يا ستى متزعليش ، البطل رجع لمراته الأولى وطلق التانية وعاشوا فى سعادة مع بعض

روح بجد ، والله حاجة جميلة بس ازاى توافق انها ترجع ليه

فؤاد لازم الانسان يسامح يا روح والا كل الناس هتبعد عن بعض ومحدش هيعيش مع حد

روح معاك حق بس كان لازم يتعذب الاول

فؤاد وهو فعلا اتعذب ، هو قعد يتحايل عليها اوى وهى رافضة جدا بس فى الاخر وافقت علشان بتحبه

روح شوفت بقى ان قلبنا طيب

فؤاد معاكى حق ، انتم اطيب خلق الله

روح حاولت تقوم بس لقت نفسها مش قادرة

فؤاد مالك يا روح

روح حاسه انى مش قادرة اقف فى رجلى

فؤاد شالها وقال بسيطة واتحلت اهى

روح مقالتلوش ينزلها لأنها كانت فرحانه

فؤاد نزلها فى الحمام وقال اغسلى وشك واستحمى وغير لبسك وكمل بغمز وقال ولا محتاجة مساعدة

روح بكسوف مش عايزة حاجة وقفلت الباب بسرعه

فؤاد قعد يضحك على منظرها وهي مكسوفه

روح خلصت وقعدت تسرح شعرها وبعدين طلعت تحضر الاكل

عدى يومين ويوم الأحد جه

عند عدى فى الشركة

عدى بيتكلم مع الموظفين عادى وبيشرح ليهم لقى واحد مركز مع ندى اوى ومش بينزل عينه من عليها

عدى استاذ مصطفى ، ركز معايا شوية

مصطفى تمام يا استاذ عدى

عدى كمل الاجتماع وهو متضايق اوى ومتعصب وبعد لما الاجتماع خلص راح يكلم ندى

عدى ممكن افهم ايه اللى انتى لابساه ده

ندى باستغراب ، لابسه ايه ، منا لابسه عادى اهو تيشرت وجيبة وثانيا انت مين سمحلك تتدخل فى حياتى

عدى بس لبسك ضيق وكمان لابسالى تيشرت احمر ، وثانيا أنا مسؤول عنك علشان كده بسال

ندى اولا مش لابسه حاجة حرام وكمان مش ضيق وثانيا انت مش مسؤول عنى ، مش معنى انك وقفت جمبى يبقى تتحكم فى حياتى ، أنا ميمحلكش

عدى خلصتى كلامك ، أنا اه ماليش حق عليكى بس انتى شغاله فى قسمى وتحت ايدى فعادى اخاف عليكى وانصحك

ندى بس انت بتجبرنى مش بتنصحنى

عدى أنا آسف مكنش قصدى

ندى عادى ولا يهمك بس متدخلش فى حياتى تانى

عدى بحزن حاضر يا انسه ندى

ندى قعدت تفكر بعد ما مشى ، ليه اتصرف معاها كده وخصوصا أن مفيش اى علاقة بينهم علشان كده يتحكم فيها وبقولها أنه مسؤول عنها ، ممكن علشان كده طلق مراته لأنها مستحملتش طبعه ، بجد تعبت ومش عارفه اعمل ايه ، كل واحد عايز يتحكم فيا ، ليه هو انا فيا حاجة غلط

أما عند عدى فهو مش قادر يتكلم ولا يوصف حالته ، متضايق من تصرفه بس فى نفس الوقت عارفه انه غصب عنه وأنه اتضايق من نظرات مصطفى لندى لندى اللى كلها نظرة شهوة ، فأنا مستحملتش فكلمته ولما مشى كلمتها بس لسه اتكلمت معايا بالاسلوب ده ، ليه زعقتلى كده ، أنا كنت بنصحها مش اكتر ، هو اه ممكن اتعصبت شوية بس كان غرضى شريف والله ، هروح اعتذرلها تانى بس لما تهدى

عند ياسمين

الاب ايوه يا بنتى ، قوليلى ايه رأيك فى زياد

ياسمين بكسوف الرأى رأيك يا بابا

الاب بس ده جواز يا حبيبتي ولازم تقولى رأيك ، انتى مرتاحه ولا لأ ، قوليلى بصراحة من غير زعل

ياسمين الصراحة أنا مرتحاله اوى وصليت صلاة استخارة مريت وحسيت انى مرتاحه ومتفائلة

الاب على خيرة الله ، وانا هسال الناس واهلى عليه علشان اتأكد هو كويس ولا لأ ، لانى هديله بنتى اغلى حاجة فى حياتى ، وبعدين باس راسها وقال ربنا يسعدك دائما يا بنتى ويكون نصيبك خير

ياسمين عيطت لأنها مش عايزة تسيبهم وتمشى

الاب بتعيطى ليه بقى ، انتى عارفه انى مش بحب دموعك تنزل ، باذن الله خير

ياسمين مش عايزة امشى واسيبكم ، أنا بحبكم اوى

الاب واحنا كمان بنحبك يا حبيبتى ، بس انتى مصيرك انك تتجوزى فى يوم وتكونى أسرة زينا كده ولا انتى مش عايزانى نبقى جد وجدة ، قولى بقى

ياسمين يضحك بس عينيها لسه فيها دموع باذن الله هتكون احلى جد فى العالم

الام طب وانا اللى كخه يعنى ولا ايه

الاب تعالى بقى كلميها

ياسمين لأ يا ماما ، انتى ست الكل ، ست قلبى ، امى حبيبتى ، مش عارفه ازاى هعوض حبكم وخوفكم عليا ، ولا اهتمامكم بيا لأنى مستحيل الاقى حد بيحبنى زيكم كده

الام باذن الله هتلاقى شخص فيه حنية الدنيا كلها لأن ربنا كريم وهيحافظ عليكى ، خليكى مع ربنا تكسبى

ياسمين ونعم بالله ، هو احنا مش هناكل النهاردة ولا ايه ، اصلى جوعت اوى

الام شوف البنت ، كانت بتعيط من شوية ودلوقتي عايزة تاكل ، من عنيا يا قلبى ، شوية والأكل يكون جاهز وناكل سوا

ياسمين أنا جايا معاكى اساعدك

ياسمين راحت مع امها المطبخ تحضر الاكل

الاب ربنا يسعدكم دائما يا بنتى ، يا رب دى بنتى الوحيدة وطيبة جدا ، فارزقها بشخص صالح يراعيها ويكون حنين عليها ولا تورينى فيها سوء

عدى اسبوع وجه ميعاد فرح فؤاد وسلمى

الفرح كان كبير جدا فى مصر ، فى قاعة كبيرة وطبعا فؤاد وأخوه بس اللى حضروا لأن امه مينفعش تحضر لأن ايوه هيشك ان فى حاجة

بعد لما خلصوا

فؤاد وسلمى راحوا الشقة سواء

فؤاد شال سلمى ودخل بيها الشقة وقال ادخلى برجلك اليمين يا عروسه

سلمى بكسوف حاضر يا حبيبي

فؤاد يا لهوى على حبيبى منك

سلمى الليلة ليلتنا ولازم نستمتع

فؤاد ايوه ، قومى غيرى واتوضى وانا كمان

فؤاد طلع بره لقى خمرا على السفرة ، دخل على سلمى وسألها

فؤاد مين اللى جايب بيرة من عندكم ليا ؟

سلمى أنا يا حبيبي علشان نستمتع صح

انضم لجروب التليجرام ( هينزل فيه الرواية كاملة ) اضغط هنا

تعديل المقال