رواية نور البيت نواره وزين الفصل السادس عشر 16 بقلم بسمه اشرف
رواية نور البيت نواره وزين الفصل السادس عشر 16 هى رواية من تأليف المؤلفة المميزة بسمه اشرف رواية نور البيت نواره وزين الفصل السادس عشر 16 صدرت لاول مرة على فيسبوك الشهير رواية نور البيت نواره وزين الفصل السادس عشر 16 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية نور البيت نواره وزين الفصل السادس عشر 16
رواية نور البيت نواره وزين الفصل السادس عشر 16
حازم : انا هتجوز ملك .
لف يديه حول عنقه بغضب .
زين بنبره تخافها الشياطين : فاكر خيتي بجت بايره بت حسن علام الف من يتمناها .
حازم بغصت ألم : وانا مستهلهاش انت عارف اني رايدها صح .
ابعده زين بنفور واولاه ظهره ليتحكم في غضبه .....
(منذ ثلاثه اشهر )
ملك : سرع شوي ياعم جابر ....مالك يانواره سرحانه من ساعت ماركبنا العربية ؟
نواره : مفيش بس بفكر في حياتي اللى اتغيرت ١٨٠ درجة في شهرين .
ملك بإستغراب : اتغيرت كيف يعني ؟
نواره : بجولك سيبك انتي وجوليلي عاملة ايه في الجامعة .
ملك : فل وبعدين تجارة سهلة مش صعبة كيف طب.
نواره : كل حاجة سهلة .
ملك : سهلة لو انتي بتحبيها .
نواره :وانتي مبتحبيش جامعتك ؟!
ملك : لا بس اهه تكون معايا شهادة .
نواره : طب ليه دخلتيها طالما محبهاش عاد؟
ملك بسخرية : والله انا احمد ربنا المجموع اللى كنت جيباه يدخلني زرايع قسم لف ورج عنب محشي .
ضحكت على حديثها حتى ادمعت عيناها مش شده الضحك .
نواره : يخربيتك هموت ايه زرايع دي هي مش اسمها زراعة ؟
ملك : لا زراعة دي يجيبها المجتهدين مش انا بس سيبك الحمدلله اني ضحكتك .
نواره بحب : والله ياملك انتي بجيتي اكتر من خيتي عوضتني عن غياب ليلى ربنا يديمك ف حياتي .
ملك : يارب يانواره وانتي والله جيتي مليتي عليا البيت اصلا مكنتش بتكلم ولا اجعد مع حد غير امي وبرده مكنتش اجدر اتكلم معاها ف حاجة زي الحاجات اللى بنتكلم فيها .
نواره بإستغراب : وليه ماتصاحبتيش على هبه وسمر ؟
ملك يضجر : انا اتصاحب على دول دول كتله شر وخبث وغرور واي حاجة ممكن تتخيليها ماشيه على الارض بالذات اللى اسمها سمر دي ياباي .
جابر بعصبية : يابجرة مبتعرفش تسوج بتركبوها ليه ؟
ملك : خبرك ايه ياعم جابر ؟
جابر: البهيمه ده عمال يكسر علي والله لو نزلتلك يا بن****.
نواره بصدمة : بس ياعم جابر مينفعش اكده ايه الحديت العفش ده؟
جابر بإعتذار :مش شايفة ياست نواره بيعمل ايه ؟
نواره بخوف وصدمة : عم جابر حاسب !
--------------------------------
دلف حازم لمكتب زين يقف رافع ساعدية مشغول بإلاوراق المنتشره حوله ليمحي معالم الحزن عليه ويرتدي قناع السخرية .
حازم : جي متأخر يعني النهاردة يازين ؟!
التفت له ليقترب حازم منه .
حازم بضحك : اوعى تكون دخلت وانا معرفش ؟
زين بضجر : لا لسه يابوز الفجر وبعدين هو انا اجدر اخونك ياجلب زين متيجي .
حازم بتمثيل: كده برده ياسونه ياخاين هونت عليك روحلها انا الف من يتمناني .
زين : ما انا بجولك ياجلب سونه تعالي نحيي الماضي .
رفع حازم احدى حاجبيه : لا ياحبيبي انا زي الفريك محبش شريك .
زين بسخرية : روحتك عند وداد بجت خطر .
حازم بإرتباك : وداد.
زين : وداد .... وداد وصنف .
حازم : زين انا م......
زين ببرود ارعبه : رجلك متعتبش عند وداد ياحازم .
حازم بعصبية : دي حياتي يازين انا حر .
تجاهله ليثير غضبة اكثر يعلم الماثل امامه عند غضبه يتحول لمسخ لعين يخشى ان يأذي وداد .
زين : بكفيانا حديت ماسخ نرجع لموضوعنا الاساسي المصنع الجديد .
حازم بجدية : اه الحمدلله كل حاجة بجت تمام ونجدر نفتتحه الاسبوع الجاي كمان .
زين : الحمدلله اه صح والعمال ولا احنا نفتح المصنع وهو يشتغل مع نفسه .
حازم :نسيت النجطة دي !
زين :دا شئ يتنسي المهم انا عايز منك حاجة .
حازم :ايه ؟
زين : خابر مصنع الحج عامر اللى اتجفل من يومين .
حازم : عارفة ماله !
زين : تمام عايزك تجيبلي العمال اللى كانوا شغلين فيه.
حازم : وفرنا .
زين : ابجى جولي وصلت لفين .
حازم بإستغراب : بتلم حاجتك ليه ؟
زين : هجيب نواره من بيت ابوها واحصلك على المخزن نتمم على البضاعة الجديدة .
اومأ حازم ليخرج زين متجه لمنزل مصطفى لا يعلم مشاعرة ناحيتها اصبحت كالجرعه مسكن لمريض مدمن لا يجد مسمى لحالته .
-------------------------------
(منزل مصطفى القناوي )
عباس : زين بيه اهلا نورت المكان اتفضل هفتح البوابة بسرعة .
زين بحده : ف حد من الرجالة جوه ؟
عباس : لا يازين بيه كل الرجالة بره .
اومأ زين : تمام روح اندهلي نواره .
عباس بإستغراب : ست نواره مش هنيه من الاساس.
زين بإستغراب : كيف مش هنيه المفروض ان جابر وصلها تلجيك مكنتش موجود .
عباس : والله يازين بيه انا متحركت من مكاني من صباحية ربنا وانا جاعد هنيه وست نواره مجتش .
اخرج هاتفة ليضغط على رقمها .
زين فى نفسه: تلفونك مجفول ليه يابت مصطفى .
زين بقلق : كمان جابر مابيردش!
عباس : في حاجة يازين بيه ؟
زين ببرود : اوعى تجول لحد اني جيت وسألت على نواره فاهم .
عباس : ف…فاهم ..فاهم تأمرني بحاجة ؟
زين لا .
قالها زين وهو يصعد سيارته .
-------------------------------
دلف للمنزل وكل انش به يتمنى وجودها به .
كريمة :حمدلله على السلامة ياولدي كيفك ؟
زين : بخير ياحجة نواره فين ؟
كريمة بإستغراب : نواره في بيت ابوها هو مش انت كنت هتجيبها هيا فين ؟
تحولت عينيه للاسود وبنبرة حاول قدر الامكان جعلها طبيعية .
زين : يعني نواره مش هنيه ؟
كريمة بقلق : لا ياولدي مش هنيه هى مش في بيت ابوها ؟
زين : لا مش في بيت ابوها واتصلت عليها جرس للاخر مابتردش .
كريمة : الغايب حجته معاه اتصلت بجابر .
سمر بخبث: ياحماتي مرته خرجت من البيت على اساس انها تروح بيت ابوها ومرحتش ويرن عليها ويريت تلفونها كان غير متاح كنا هنجول فصل شحن لكن دا جرس ومابتردش عليه واكيد اتصل على جابر مش كده يازين .
كريمة بغضب : اكتمي انتي متدخليش .
تجاهلتها لتكمل بسخرية : غريبة كبير العلاميه مش عارف يبجى كبير على اهلى بيته .
ارتسمت ابتسامة جانبيه سامه على ثغرة وانفاسه اصبحت مسموعة لكنه بهدوء عكس مابداخله اقترب منها لتلمس انفاسة الساخنة وجهها .
سمر في نفسها : اثبتي …اثبتي
انحنى زين وهمس في اذنها .
زين : لو مغورتيش من جدامي دلوجتي هنسى انك مرت اخوي وهنسى انك ست من الاساس وهخليكي تزعلي مني وافتكر انك دوجتي زعلي جبل كده اطلعي فوج .
كريمة : اهدى ياولدي اطلعي ياسحر دلوجتي .
تجاهلتها مره اخرى او بمعنى اصح لم ترى سواه لم ترى سوى نظرت الكره في عينيه نظره ألمتها بشدة جعلتها تبكي دما بداخلها كم تمنت نظره اخرى.
كريمة بغضب : بجولك اطلعي عاد معوزينش مشاكل اكتر .
ابتعدت سحر بحزن صعدت للأعلى بينما توجهه زين ناحية باب المنزل ليردف
زين بصوت مرتفع : عبدالعزيز ....عبد العزيز .
هرول اليه مسرعا ذلك الوحش الغاضب .
عبدالعزيز بخوف : ن..نعم ي زين بيه ؟
زين : جابرررر فيييين ؟
عبدالعزيز :ججابر مم .
زين : اتكلم عدل .
عبدالعزيز : من ساعت مامشي الصبح مرجعش .
زين : يعني راح فين مش انت صاحبة وليل نهار جاعد معاه اكيد جالك هيغور في داهيه بعد مايوصلهم .
عبدالعزيز : والله يازين بيه ماجلي حاجة هو جالي الصبح هيوصل الست ملك يابيه وبيعدين ست نواره مرتك وهيرجع طوالي .
زين : ومرجعش ليه ؟
عبدالعزيز : والله والله واحيات ولادي معرف اللى اعرفة جولته بس الغايب حجته معاه هو في الوجت ده بيروح يجيب ست ملك اخت سعادتك من الجامعة وزمانه راجع .
زين :اول ماتلمحة تجيبه.
--------------------------------
نواره بألم : اه اه نفوغي اه .
ملك : نواره انتي هنيه ؟
نواره بخوف : ملك احنا فين عاد ؟
ملك : مش عارفة ومش شايفة من الزفت اللى على عني .
نواره : يعني ايه احنا فين ؟
ملك : اسمعي كده في حد جي .
دلف عز ومعه فضل كبير (المطاريض ) ليضحك بسخرية .
عز : ايه ياجمر انتي وهيا الجماشة مديجكم معلش شويه وهنشيلوها.
التفت لفضل .
عز : صحيح ميجبها اللى رجالتها.
فضل : امال يابيه انت تأمر واحنا ننفذ بس مش كده خطر زين ممكن يولع ف الدنيا واحنا دجنا ناره جبل اكده حفيد الغول نابه ازرج في حاجة تافهة كنا هنروح فيها مابالك واحنا خاطفين مراته واختة هيعمل ايه؟
عز بعصبيه: غوووووورو من وشي انا غلطان اني اتكلمت مع اشكالكم اللى ليكم فلوس وافتكر انكم خدتوا اللازم واكتر .
فضل بتمرد : اه بس دا جبل ما نعرف انهم تبع زين علام .
عز بإستغراب : مش فاهم ؟
فضل : هفهمك يعني انا مش هخاطر بنفسي وبرجلتي عشان ٥٠ الف لاراحوا ولا جم .
عز بملل : عايز كام يا فضل ؟
فضل :ملييييييون .
عز بصدمة : اتخبلت عاد مليون عفريت لما يركبوك .
فضل بغضب : دا اخر كلام ياعز .
عز بصوت مرتفع وغضب: بيه…..عز بيه اياك تنسى نفسك مبجاش غير المطاريض اللى يتكلموا.
فضل : بتعيرني طب بص لنفسك الاول على الاجل انا من المطاريض بس ليا اصل مش غجري.
سدد له عز عدة لكمات .
عز بغضب : كلمه كمان وهتكون من تعداد الموتى ومش هنساها يافضل بس ليك روجة جوم غور في ستين داهيه جووووم.
فضل : ماشي وانا مش هسكت .
عز بسخرية : اخرج من الباب دا هتلاجي حيطة في وشك اخبط راسك فيها .
خرج فضل يتوعد له ليلتفت الاخر لنواره وملك تقدم ليزيل شريط القماش من على عينيهم .
نواره بخوف : مين انت ؟
عز بوقاحة : زوجك حلو يازين والله جلولي انك حلوة بس متوقعتش تبجي اكده اما جوليلي يا…نواره شعرك حلو برده ولا .
وضع يده ليزيل حجابها .
نواره : بعد .
ملك بغضب : بعد ياود المحروج عنها .
عز : اثبتي عاد بتعملي اكده وانا عايز اشوف شعرك امال لو عرفتي انا هعمل فيكي ايه ؟
ملك : اجول ايه مانتى مش راجل بعد عنها .
عز : ماتتحمجيش جوي كده مصيرك هيبجى كيفها نونتي مجولتليش زين عامل ايه اصل بجال كتير مشفتهوش بس ملحوجة هشوفة الايام الجاية كتير .
عمار :عز بيه فضل مشي هو ورجالته .
عزامممم تمام ياعمار .
عمار : لو ميديجكش يابيه ممكن اسألك سؤال كده ؟
عز : اسأل انا مزاجي رايج جوي جوي ومستعد اجاوب على كل حاجة .
عمار : احم هو سعادتك هتعمل ايه دلوجتي يعني احنا خطفنا مرته واخته ودي مش سهلة بس لحد دلوجتي مش عارف ايه اللى هنعملة .؟
عز : كل خير هنعمل كل خير هكسر عين زين وساعتها حتى لو موت هبجى مبسوط جوي بس مش عارف ابتدي بمين بمرته ولا اخته هتجنن ايه رأيكم ابتدي بمين فيكم ؟
كل من نواره وملك الى بعضهم والدموع منهمره من كليهما .
عز بخبث : ولا اجول انا هكلم حد كويس جوي هو اللى هيجولي ابتدي بمين ؟
--------------------------------
محمد : ايه يازين صوتك عالي ليه ؟
كريمة : مفيش ياولدي خد مريم واطلعوا فوج .
مريم بقلق : مفيش كيف يامه صوتكم واصل لخر البلد في ايه يازين ؟
تنهد زين وبهدوء : مريم معلش اسمعي امك وخدي جوزك واطلعوا فوج .
مريم : بس .
زين : مبسيش اسمعي الكلام محمد.
اومأ محمد رأسه: يلا يامريم امال حسن فين ؟
مريم : جه من المدرسة كل ونام .
جلس زين على احدى المقاعد ووضع رأسه بين راحتي يديه وتنهد بأرق لتنحني مريم وجلست بجوار اخيها. امسكت بيده.
مريم : مالك ياجلب اختك ؟
ابتسم زين كور وجهها بيده .
زين: مفيش يلا جومي شوفي زوجك لسه جاي من الشغل تلاجية تعبان جومي.
صعدت مريم ومحمد زوجها للاعلى ليدلف بعدها حازم بإستغراب .
حازم : يعني انا مستنيك في المخزن وانت جاعد هنيه .
زين : اجعد ياحازم .
حازم : مالك فيك ايه ؟
كريمة : نواره مش في بيت ابوها وكمان مابتردش على مكالمات زين .
حازم :يازين الغايب حجته معاه .
زين : هو انا كل ماكلم حد يجولي الغايب حجته معاه حازم بالله عليك تسيبني دلوجتي .
حازم : ماشي ياود خالى بس براحة اهدى مش اكده .
زين بصوت مرتفع: عبدالعزيز انت يا زيييف .
عبدالعزيز بخوف : اوامرك يابيه ؟
زين : جابر لسه مجاش ؟
عبدالعزيز : لا لسه زين بيه كنت عايز اجولك حاجة ؟
زين : عايز تجول ايه ؟
عبدالعزيز : في حاجة غريبه يابيه عمر جابر متأخد اكده والست اخت سعادتك يابيه عمرها متأخر كده في الجامعة يعني اخرها كان الساعة ٣ دلوجتي الساعة داخله ف ٤ ولسه مجاتش .
كريمة بخوف : ايوه صح اختك يازين عمرها متأخرت كده .
حازم بضجر : اهدوا بس ممكن ملك خدت نواره عشان يجيبوا حاجات الفرح .
كريمة : لع لع ماجلتش.
حازم بقلق : ايه يازين بتفكر ف ايه جول حاجة ؟
زين : مش عارف؟
صدع رنين هاتفة ليمسكه فتح الخط اتاه صوت الاخر بسخرية لازعة .
عز : زين اتوحشتك ياغالي اخيرا ياراجل دانا زهقت من الكول تون بس بصراحة حلو .
زين : مين ؟
عز : نسيت صوتي والله ليا حج ازعل بس عموما انا عز.
زين ببرود : عز.
عز : ياخي عايز مشورتك ف حاجة معايه حوريتين من الجنة كنت عايز اخد رأيك ابتدي بمين فيهم مع العلم أن فيهم واحده مستعملة والتانية بنت بنوت مش سامعلك صوت بس بصراحة لازم ابدي اعجابي الشديد بشعر ال….المدام .
زين بغضب جحيمي : ورحمة جدي لو لمست شعره من واحده فيهم يابن***** هقتلك يا عز الكلب .
عز بستمتاع :اهدى يازين عشان اكده غلط فاكر زمان ولا تعبتني اوي يازين وجه اليوم اللى هطلع روحك في يدي هخليك تمشي موطي راسك ف البلد اللى عامل فيها كبير مش متخيل الناس لما تشوفك وتجول اه اللى معرفش يحافظ على اهلى بيته ولا هتجول ايه لحماك اه يازين والله صعبت عليا بس معلش اهو تدوج شوية من المر اللى سجهولي بجالك سنين متخافش يازين انا كنت ناوي علىمتخافش يازين انا كنت ناوي على اختك اللى رفضت تجوزهاني بس بصراحة اول مشوفت نواره تعبت جوي .
وقف زين عاجز عن اي شئ اخذ حازم منه الهاتف ليفتح السماعات الخارجية .
حازم بغضب : لو يدي اتمدت على واحدة فيهم هطلع ***** يابن***** .
عز : تؤتؤتؤ ….عيب ياحازم عيب وانا اللى عاملك صاحبي وجولت اخد رأي اصحاب الحاجة خايبتوا ظني .
زين بتغيب :عز وربي لو جربت لوحدة فيهم لخليك تبكي بدل الدموع دم وهجطع نسلك من الدنيا .
عز : وريني.
اغلق عز الهاتف .
كريمة ببكاء : مع عز ود الغجرية خطف بناتي هتهم يازين .
زين بنبرة تجمد الدماء : حازم تاخد الرقم دا وتروح ل نوح تجولوا يجيب مكانه بسرعة هتاخدلي صوره عبدالعزيز تاخد الرجالة وتروح بيت عز وكل اللى فيه يبجوا تحت رجلي بس الحريم لا هاتلي عمه واخوه .
-------------------------------
حسان : ايه ياريس هتخلي الغجري دا يضحك علينا ؟
فضل : معاش ولا كان اللى يضحك علي فضل الديب انا هوريه مجامه وان مخليتك ياعز الكلب تدفع التمن .
حسان :كيف ياكبير ؟
فضل بخبث : انا مليش دعوه زين هو اللى هيعمل كل حاجة وبالذات لما يعرف مكان مرته و اخته .
حسلن بصدمة : اوعى تكون هتجوله ياريس داحنا نجول على نفسنا يارحمن يارحيم .
فضل : متخافش انا عارف هعمل ايه كويس جهز انت العربيه عشان ورانا مشوار كبير من هنا للبلد .
حسان : امرك يا….ياريس .
------------------------------
عز : زين…..زين تؤتؤتؤ جوزك دا جليل الذوج جوي جوي جوي .
نواره بغضب : هتعرف مين هو زين علام بس متبجاش زي الفرخة لما يجيي .
اقترب منها عز وبضحكة سخرية : اه يانواره اه اللى يشوفك ميتخيلش انك سرشة كده بس نجول ايه زين طول عمره محظوظ بس انا هوريه واردله الجلم اتنين زين الكلب .
بصقت نواره عليه وقالت بغضب شديد : اللى بتتكلم عليه دا سيدك يا غجرييي .
امسك عز خصلات نواره بغضب وظل يصدم رأسها بالحائط عدة مرات حتى فقدت الوعي وسط نحيب ملك واسترجية ان يدعها .
نور ببكاء ونحيب : نواره … نوااره والنبي سيبها هى غلطانه والنبي ياعز نواره …فوجها .
عز : مسمعش صوتك انت هات شوية ميه نفوجها بيها.