رواية زواج من طرفين سهر واياد الفصل الحادي عشر 11 بقلم ساسو ياسين
رواية زواج من طرفين سهر واياد الفصل الحادي عشر 11 هى رواية من تأليف المؤلفة المميزة ساسو ياسين رواية زواج من طرفين سهر واياد الفصل الحادي عشر 11 صدرت لاول مرة على فيسبوك الشهير رواية زواج من طرفين سهر واياد الفصل الحادي عشر 11حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم زواج من طرفين سهر واياد الفصل الحادي عشر 11
رواية زواج من طرفين سهر واياد الفصل الحادي عشر 11
احمد : انت متأكد انك قلقان عليها عشان شغاله معاك بس
سمير : اه
احمد : كداب
سمير : صدقني عشان شغاله معايا
احمد : كداب
سمير : مش كداب يا ابني
احمد : والله كداب
سمير : اول مره تبقي مش مصدقني
احمد : عشان اول مره تكدب عليا
سمير : مش بكدب
احمد : طيب براحتك
سمير : بحبها خلاص ارتحت
احمد : ارتحت انك اعترفت لكن اناعارف من الاول انك بتحبها
سمير باستغراب : وعرفت منين
احمد : من ملامحك اللي بتفرح اول ما تيجي الصبح واللي بتزعل لو فيها حاجه ومن قلقك عليها النهارده
سمير : كنت مفضوح يعني
احمد بضحك : مش اوي
سمير : بس انا قولت لما تعرف هتقولي ازاي بتحب واحده متجوزه والكلام اللي بيتقال في المواقف دي
احمد : الحب والمشاعر مش بايدينا عشان اقولك كده بس كنت هقولك كده بجد لو كنت روحت اعترفتلها هي وهي لسه متجوزه بس انت احترمت موضوع جوازها وسكت ف هقولك اي بقي
سمير : والله انا كنت خايف من مواجهتك انت اكتر مواجهتها هي
احمد بضحك : لا متخافش مني وبعدين اوعي تقولها دلوقتي خالص
سمير باستغراب : لي
احمد : هو اي اللي لي اكيد عشان لسه متطلقه من يومين ومش هتبقي حابه تدخل في علاقه تانيه دلوقتي
سمير : عندك حق خلاص هصبر شويه
احمد : شاطر ويلا بقي قوم روح شغلك
سمير : ماشي نبقي نتقابل بالليل
احمد : ان شاء الله
عند سهر
راحت هي والبنات
فطروا مع مشيره
وبعد الفطار
مشيره : مالك بقي من امبارح
سهر : مفيش
مشيره : انا صاحبتك مش جوزك ها
سهر ضحكت وقالت : زعلانه علي اللي ضاع من عمري وبفكر في اللي جاي هعمل فيه اي وانا لوحدي
مشيره : تزعلي علي اللي ضاع انا معاكي فيه لكن بتفكري في اللي جاي لي وانتي لوحدك فين
سهر : اقصد هبقي لوحدي في تربية البنات وبفكر في اللي جاي عشان اياد مش هيصرف عليهم جنيه
مشيره : وانتي عرفتي منين
سهر : عشان امه قالتلي كده واحنا خارجين من المحكمه
مشيره : قالتلك اي
فلاش باك
ناديه : مش عملتي اللي في دماغك وخلعتي ابني انسي ان يصرف علي عيالك بقي
سهر : اه الحمدلله خلصت منه ولو علي موضوع المصاريف انا هعرف اخليه يصرف علي بناتي انا وهو ازاي
ناديه : لا يا حبيبتي دول بناتك انتي بس انا مش هيبقي ابو البنات وبكره اجوزه ست الستات ويجيب منها الصبيان اللي يملوا حياته وينساكي انتي وبناتك
اياد : بس دول بناتي برضو يا ماما
ناديه : اخرس اي عايزها تخلعك وتصرف عليها خليها تشيل شيلتها لوحدها
زيدان : ومين قالك انها هتغلب في مصاريف العيال إذا كان ابنك كان معاها وكانت بتشتغل وتصرف عليهم دلوقتي مش هتصرف عليهم
ناديه : حلو اوي خليها بقي تصرف عليهم وتورينا تربيتها هتبقي عامله ازاي
سهر : حلو اوي انتي اللي بدأتي اهو عشان مترجعيش تزعلي
ناديه : هتعملي اي يعني
سهر : يعني هديله فرصه الشهر ده لو مصرفش عليهم هرفع قضيه نفقه ونتقابل في المحكمه الشهر اللي بعده
قالت كده وسابتها ومشيت
وبكده عرفنا ناديه خايفه من سهر لترفع قضيه نفقه لي
باك
مشيره : اي الست دي واي الجبروت ده
سهر : هي دي اللي امه علي طول هي اللي بتأمر وهو ينفذ من غير تفكير
مشيره : وهو مقالذ حاجه تاني بعد ما قالتله كده
سهر بوجع : قالها حاضر هسكت
مشيره : اتفو علي الرجاله اللي شبهه
سهر : متقوليش رجاله بس
مشيره : علي رأيك ، المهم انتي هتعملي اي
سهر : هشوف شغل تاني او اكلم استاذ سمير واخد شيفت تاني ويزودلي مرتبي
مشيره : ربنا يرزقك
سهر : يارب ، هي المشكله بس هتبقي في البنات
مشيره : مالهم البنات
سهر : هسيبهم لمين طول اليوم
مشيره : هتسبيهم ليا انا يعني اكيد
سهر : انتي كفايه عليكي كده عشان احمد ميزعلش
مشيره : لا احمد مش هيزعل وملكيش دعوه انتي
سهر : يا بنتي كتر خيرك والله بس مش عايزه اتقل عليكي اكتر من كده
مشيره : قولتلك ملكيش دعوه وبعدين اعملي حسابك هنتغدا سوا النهارده
سهر : لا غدا لا
مشيره : لي
سهر : كفايه الفطار وهروح اتغدا في بيتي او تعالي انتي اتغدي معايا هناك
مشيره : لا هنتغدا هنا واسمعي الكلام بقي
سهر كانت هتتكلم
مشيره : مفيش كلام خلاص
سهر بضحك : حاضر يا ابله
مشيره : ابله ، طب قومي يا ختي يلا نحضر الغدا عشان احمد قرب يجي
سهر : طب يلا
وقاموا حضروا الغدا
سهر : طب هروح انا اعمل حاجه في الشقه واجي
مشيره : هتعملي اي
سهر : هعمل حاجه
مشيره : هتعملي حاجه ولا عايزه تهربي من الغدا معايا
سهر : مش عايزه ابقي تقيله
مشيره : اقعدي يا بت
دخل احمد
وقال : السلام عليكم
مشيره وسهر : وعليكم السلام
احمد : معايا ضيف
سهر : طب استأذن انا
مشيره : اقعدي يا بت ، مين يا احمد
احمد : سمير
مشيره : طب ما تدخله
احمد : تعالي يا سمير
دخله وقعدوا
سهر بهمس : سيبيني امشي عشان خاطري
مشيره : لا مش ده مديرك يبقي خلاص اقعدي بقي
احمد بهمس لسمير : حظك في السما انها عندي
سمير : دي احلي مفاجأة والله
احمد : دي صدفه يا حبيبي انا مكنتش اعرف انها هنا
سمير : دي احلي صدفه والله
احمد : يا ابني اتلم هي متعرفش انك عرفت انها مطلقه
سمير : حاضر هحاول
مشيره : يلا نسلم عيب كده
ودخلوا سلموا
مشيره : اهلا وسهلا نورت يا استاذ سمير
احمد : مشيره مراتي
سمير : اهلا بحضرتك
سهر : ازيك يا استاذ سمير
سمير : الحمدلله انتي اللي عامله اي
سهر : الحمدلله
احمد : مش هنتغدا ولا اي
مشيره : حالا
احمد : طبعاً هتتغدي معانا يا سهر
مشيره : اه هتتغدي معانا
سهر : بس
احمد : مفيش بس
مشيره : يلا تعالي معايا نحضر الغدا
مشيره وسهر قاموا يحضروا الاكل
وسمير اتعرف علي بنات سهر
وقعد يلعب معاهم شويه وهما حبوه
وهو اتبسط انهم حبوه وحس انها خطوه كويسه في قربه لسهر
ديما : انا حبيت عمو ده اوي يا مامي
سهر : اسمه عمو سمير
سمير : وانا كمان حبيتكوا اوي
ديما : طب هتيجي تاني
سمير : هاجي لو مامي معندهاش مانع
ديما : يعني اي مانع
سمير : يعني ترفض اني اجي اشوفك
ديما : هترفضي يا مامي
سهر : لا مش هرفض يا قلب مامي
ديما : مش هترفض اهي تعالي بقي
سمير : حاضر
ديما : بكره
سمير : لا بكره صعب بس اوعدك هجيلك تاني
ديما : امتا
سمير : خليها مفاجأة
ديما : اتفقنا
سمير : اتفقنا
واستأذن ومشي
وسهر كمان اخدت البنات ومشيت
مشيره : غريبه يعني اول مره يجي
احمد : اصله مش جي عشانا يا حبيبتي
مشيره باستغراب : اومال جي عشان مين
احمد : جي عشان صاحبتك
مشيره : سهر
احمد : اه
مشيره : وجي عشان سهر لي
احمد : اصله وقع في حبها
#يتبع ......
انضم لجروب التليجرام ( هينزل فيه الرواية كاملة ) اضغط هنا