رواية زواج من طرفين سهر واياد الفصل العاشر 10 بقلم ساسو ياسين
رواية زواج من طرفين سهر واياد الفصل العاشر 10 هى رواية من تأليف المؤلفة المميزة ساسو ياسين رواية زواج من طرفين سهر واياد الفصل العاشر 10 صدرت لاول مرة على فيسبوك الشهير رواية زواج من طرفين سهر واياد الفصل العاشر 10 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم زواج من طرفين سهر واياد الفصل العاشر 10
رواية زواج من طرفين سهر واياد الفصل العاشر 10
سمير : اخلص بدل ما احدفك بالمقص ده
احمد : هي وصلت للمقص
سمير بعصبيه : اخلص يا بارد
احمد : اتطلقت يا عم ارتحت
سمير : اتطلقت
احمد : اه اتطلقت مالك مصدوم كده لي
سمير : طب متعرفش سبب الطلاق اي
احمد : عشان بتخلف بنات
سمير بصدمه : نعــــــم
احمد : مالك
سمير : انت بتتكلم بجد ولا بتهزر
احمد : والله يا ابني بتكلم بجد اتطلقت عشان كان عايز يتجوز عليها بسبب ان خلفتها التلاته بنات
سمير : ده اكيد مجنون حد يكره البنات
احمد : لا وانت والصادق ده اللي بيكره البنات وبيكره امهم حماتها وهي اللي كرهت ابنها فيهم
سمير : دي تحمد ربنا انها خلصت منهم
احمد : بس اوعي تقولها انك عرفت حاجه عشان متزعلش مني
سمير : عيب عليك
احمد : طب هتكمل قعده معايا ولا عرفت اللي انت عايزه وهتقوم
سمير : لا طبعاً هقوم عشان عندي شغل
احمد بضحك : مصلحجي
سمير : شكرا يا ذوق
وسابه ومشي
عند اياد
بيكلم ناديه في الموبايل
اياد : الو يا ماما
ناديه : عملت اي
اياد : مش لاقي حاجه كويسه زي شقتنا كده
ناديه : مش لازم كبيره زي شقتنا اجر اي شقه وخلاص ونقعد فيها لحد ما نتصرف في الشقه دي
اياد : حاضر
وقفل معاها
وفضل يشوف كذا شقه لحد ما لقي شقه عجبته واجرها
رجع لناديه
ناديه : ها عملت اي
اياد : أجرت شقه بس اصغر من دي شويه
ناديه : مش مهم المهم دلوقتي نلم العفش عشان ننقل النهارده
اياد : طب خليها بكره يا ماما
ناديه : لا النهارده يعني النهارده
اياد بيأس : حاضر
وقام يحضر الحاجه عشان يمشوا
عند سهر
خلصت شغل
ورجعت البيت وهي برضو مش مركزه
عملت الاكل واكلت البنات ودخلت نامت هي والبنات
لحد تاني يوم
صحيت مخضوضه علي صوت التليفون
سهر : الو
مشيره : اي يا بنتي فينك من امبارح
سهر : كنت نايمه
مشيره : نايمه من الساعه 7
سهر : اه
مشيره : لي ده كله
سهر : كنت عايزه انام نمت ومحستش بحاجه غير دلوقتي
مشيره : لي ده كله
سهر : مش عارفه
مشيره : طب قومي وفوقي كده انتي والبنات وتعالي نفطر سوا
سهر : لا انا عندي شغل
مشيره : شغل اي يا حبيبتي الساعه 10
سهر بصدمه : بجد
مشيره : اه
سهر : طب مصحتنيش لي من بدري
مشيره : بصي في تليفونك هتلاقي اكتر من 100 مكالمه من امبارح وانتي مش حاسه
سهر : انا فعلا مش حاسه
مشيره : طب فوقي وتعالي
سهر : حاضر
وقفلت معاها
وبتبص في التليفون
لقت مكالمات كتير فعلا من مشيره وسمير
كلمت سمير
سمير بلهفه : اخيرا
سهر : معلش يا استاذ سمير والله راحت عليا نومه
سمير : مش مهم ان راحت عليكي نومه المهم انك بخير
سهر : اه الحمدلله
سمير : الحمدلله انا قلقت عليكي
سهر باستغراب : قلقت عليا
سمير : اه
سهر : لي
سمير : عشان كان شكلك تعبانه امبارح
سهر : امممم الحمدلله
سمير : عايزه حاجه طيب اجبهالك
سهر : لا تسلم يا استاذ سمير
سمير : لو عوزتي اي حاجه في اي وقت كلميني
سهر : حاضر
سمير : اسيبك بقي عشان ترتاحي
سهر : ماشي
سمير : سلام
سهر : سلام
وبعد ما قفل
احمد : اتطمنت يا خويا
سمير : اه
احمد : قولي بقي يا سموره
سمير : خير
احمد : انت متأكد انك قلقان عليها عشان شغاله معاك بس
سمير : اه
احمد : كداب
سمير : صدقني عشان شغاله معايا
احمد : كداب
سمير : مش كداب يا ابني
احمد : والله كداب
سمير : اول مره تبقي مش مصدقني
احمد : عشان اول مره تكدب عليا
سمير : مش بكدب
احمد : طيب براحتك
سمير : .....
انضم لجروب التليجرام ( هينزل فيه الرواية كاملة ) اضغط هنا